CM ઉદ્ધવ ઠાકરેના બંગલો વર્ષાના એક ઓરડાની બહારની દીવાલ ઉપર લખવામાં આવ્યું હતું : Who is UT? UT is mean, BJP rocks, BJP is the winner, BJP 4ever. નોંધનીય છે કે અહીં UTનો અર્થ ઉદ્ધવ ઠાકરે એમ કહેવામાં આવ્યો છે.
નોંધનીય છે કે હાલ PWD વિભાગ વડે નવા મુખ્યમંત્રીના વર્ષા બંગલોનું સમારકામ ચાલી રહ્યું છે. મહારાષ્ટ્રના મુખ્યમંત્રી ઉદ્ધવ ઠાકરેના સરકારી બંગલો વર્ષાની દીવાલ ઉપર અપશબ્દો લખવાનો મામલો સામે આવ્યો છે.
તાજેતરના રાજીનામા બાદ દેવેન્દ્ર ફડણવીસે આ સરકારી મકાન ખાલી કર્યું હતું. જ્યારે તેણે બંગલો PWDને આપ્યો ત્યારે તેમાં એક ઓરડાની દિવાલ પર અપશબ્દો લખાયા હતા. માનવામાં આવે છે કે આ શબ્દોનો પ્રયોગ CM ઉદ્ધવ ઠાકરે માટે કરવામાં આવ્યા છે. સૂત્રોના જણાવ્યા અનુસાર CM ઉદ્ધવ ઠાકરે માટે જે રૂમમાં આ શબ્દો લખાયા છે તે રૂમ દેવેન્દ્ર ફડણવીસની પુત્રીનો હતો.
વર્ષા બંગલોના રૂમની દિવાલ પર લખાયું : Who is UT?
આ દીવાલો ઉપર નીચે મુજબના સૂત્રો લખાયા છે જેનો અર્થ આ પ્રમાણેનો છે :
Who is UT? : UT (ઉદ્ધવ ઠાકરે) કોણ છે?
UT is mean : UT ખરાબ છે.
BJP is the winner : ભાજપ વિજેતા છે.
BJP rocks
BJP 4ever : ભાજપ હંમેશ માટે રહેશે.
અમૃતા ફડણવીસ ઘણી વાર શિવસેનાની ટીકા કરી ચુકી છે
મહારાષ્ટ્રમાં સત્તા ગુમાવ્યા પછી અમૃતા ફડણવીસે શિવસેના વિષે ટ્વિટર પર ઘણી વાર ટ્વીટ કરી છે. પૂર્વ મુખ્યમંત્રી દેવેન્દ્ર ફડણવીસની પત્ની અને વ્યવસાયે બેંકર અમૃતા ફડણવીસ શિવસેના વિષે સતત સોશિયલ મીડિયા પર પોતાનો ગુસ્સો ઠાલવી રહી છે.