સુવિધા / હવે પાસપોર્ટ માટે સરળતાથી મળી જશે પોલીસ ક્લિયરન્સ સર્ટિફિકેટ, મોદી સરકારે લીધો પ્રજાલક્ષી નિર્ણય

• ભારતીય પાસપોર્ટ ધારકોને મોટી રાહત
• હવે પોલીસ ક્લિરન્સ સર્ટિફિકેટ લેવાનું સરળ થઈ જશે 
• ઓનલાઈન પોસ્ટ ઓફિસ પાસપોર્ટ કેન્દ્રમાં લઈ શકાશે પોલિસ ક્લિરન્સ સર્ટિફિકેટ 
• 28 સપ્ટેમ્બર 2022થી શરુ થશે સુવિધા 

પાસપોર્ટ માટે હવે પોલીસ ક્લિરન્સ સર્ટિફિકેટ લેવાનું સરળ થઈ જશે. મોદી સરકારે ઓનલાઈન પોસ્ટ ઓફિસ પાસપોર્ટ સેવા કેન્દ્ર ખાતે પોલીસ ક્લિરન્સ સર્ટિફિકેટ લેવાની મંજૂરી આપી દીધી છે જેને કારણે વિદેશ જવા માગતા નાગરિકોને મોટી રાહત મળશે.  પોલિસ ક્લિરન્સ સર્ટિફિકેટ માટે થઈ રહેલા ભારે ધસારાની સમસ્યા નિવારવા કેન્દ્રીય વિદેશ મંત્રાલયે 28 સપ્ટેમ્બર 2022થી સમગ્ર ભારતભરમાં તમામ ઓનલાઈન પોસ્ટ ઓફિસ પાસપોર્ટ સેવા કેન્દ્ર ખાતે પોલિસ ક્લિરન્સ સર્ટિફિકેટ લાગુ પાડવાની સુવિધા ઉમેરવાનો નિર્ણય કર્યો છે. વિદેશ મંત્રાલય દ્વારા જારી એક નિવેદનમાં આવું જણાવાયું હતું.

To address the unanticipated surge in demand for Police Clearance Certificates (PCCs), MEA has decided to include the facility to apply for PCC services at all online Post Office Passport Seva Kendras (POPSKs) across India, starting from Wednesday, 28 September 2022. pic.twitter.com/G9ZMYvc4Wm

— ANI (@ANI) September 26, 2022

વિદેશમાં રોજગારી સહિતના શિક્ષણ, લાંબા ગાળાના વિઝા, ઈમીગ્રેશનની માગ પૂરી થશે 

વિદેશ મંત્રાલયના નિવેદનમાં એવું પણ જણાવાયું છે કે પોસ્ટ ઓફિસ પાસપોર્ટ સેવા કેન્દ્ર પરથી પોલીસ ક્લિરન્સ સર્ટિફિકેટની દિશામાં મંત્રાલય દ્વારા લેવામાં આવેલ પગલાંને કારણે ભારતીય નાગરિકોને ફક્ત વિદેશમાં રોજગારી જ નહીં મળી રહે પરંતુ શિક્ષણ, લાંબા ગાળાના વિઝા, ઈમીગ્રેશનના કિસ્સામાં પોલીસ ક્લિરન્સ સર્ટિફિકેટની માગ પણ પૂરી કરશે.

સરળતાથી મળી જશે પોલિસ ક્લિરન્સ સર્ટિફિકેટ 
ભારતીય પાસપોર્ટ ધારકો હવે ઓનલાઈન પોસ્ટ ઓફિસ પાસપોર્ટ સેવા કેન્દ્ર પરથી પોલિસ ક્લિરન્સ સર્ટિફિકેટ લઈ શકશે જેનાથી તેમને મોટી રાહત મળશે અત્યાર સુધી તો પોલીસ વિભાગમાં ધક્કા ખાવા પડતા હતા પરંતુ હવેથી ખૂબ સરળતાથી પોલીસ ક્લિરન્સ સર્ટિફિકેટ મળી જશે. 

પોલીસ ક્લિયરન્સ સર્ટિફિકેટ (પીસીસી) શું છે?
ભારતીય પાસપોર્ટ ધારકોએ રહેણાંકના દરજ્જા, રોજગાર અથવા લાંબા ગાળાના વિઝા અથવા ઇમિગ્રેશન માટે અરજી કરી હોય તેવા કિસ્સામાં તેમને પોલીસ ક્લિયરન્સ સર્ટિફિકેટ (પીસીસી) જારી કરવામાં આવે છે. ટૂરિસ્ટ વિઝા પર વિદેશ જતા લોકોને પીસીસી નથી મળતું.