ઓટો ન્યૂઝ / મારૂતિની નવી WagonRમાં હશે આ જોરદાર ફીચર્સ અને શાનદાર લુક, જાણીને લેવાનું મન થઈ જશે

પ્રીમિયમ ડિલરશિપથી થશે વેચાણ

પ્રીમિયમ વેગનઆર, એટલે કે, Maruti XL5ને કંપનીની પ્રીમિયમ ડિલરશીપ Nexa પરથી વેચવામાં આવશે. આ કાર નેક્સા ડિલરશીપની છઠ્ઠી કાર હશે. અત્યારે મારુતિ આ ડિલરશીપ દ્વારા ઈગ્નિસ, બલેનો, સિયાઝ, એસ-ક્રોસ અને XL6 વેચે છે.

આવો હશે લુક

આ કારની લીક થયેલી તસવીરો જોઈને લાગે છે કે XL5નું ઓવરઓલ પ્રોફાઈલ વેગનઆર જેવું જ હશે, પરંતુ આ વેગનઆરથી પ્રીમિયમ દેખાશે. પાછળથી તે વેગનઆર જેવી જ દેખાશે. વધારે બદલાવ તો કારના ફ્રન્ટમાં જ જોવા મળશે. XL5માં ડિઝાઈનની ગ્રીલ, નવું બમ્પર અને એલઈડી ડેટાઈમ રનિંગ લાઈટ્સ સાથે સ્પ્લિટ હેડલેમ્પ્સ મળશે. મારુતિની પ્રીમિયમ એમપીવી XL6ની જેમ પ્રીમિયમ વેગનઆરમાં પણ એલઈડી ટેલ લેમ્પ્સ મળવાની આશા છે. વેગનઆરથી અલગ આ કાર નેક્સા બ્લૂ કલરમાં આવશે.

આવું હશે ઈન્ટિરિયર

મારુતિની આ નવી કારના ઈન્ટિરિયરની ડિટેલ હજુ સામે નથી આવી. જોકે, તેનું ઈન્ટિરિયર સ્ટાન્ડર્ડ વેગનઆરની જેમ જ રહેવાની આશા છે. XL5માં નવી સીટ અપહોલ્સ્ટ્રી અને અન્ય ફીચર્સ સહિત કેટલાક બદલાવ પણ જોવા મળી શકે છે. પ્રીમિયમ વેગનઆરમાં સ્માર્ટફોન કનેક્ટિવિટી સાથે જ ટચસ્ક્રીન ઈન્ફોટેન્મેન્ટ સિસ્ટમ, ટિલ્ટ એડજસ્ટેબલ સ્ટિયરિંગ, કી-લેસ એન્ટ્રી, પાવર 
વિન્ડો, એરબેગ્સ, સેન્ટ્રલ લોકિંગ સિસ્ટમ, એબીએસ, ઈબીડી, રિયર પાર્કિંગ સેન્સર્સ અને સ્પીડ એલર્ટ સિસ્ટમ જેવા ફીચર હશે.

પાવર અને લોન્ચ

મારુતિ XL5માં વેગનઆરમાં 1.2-લીટર પેટ્રોલ એન્જિન મળવાની આશા છે. આ એન્જિન 82bhpનો પાવર અને 113Nm ટોર્ક જનરેટ કરે છે. આ સાથે જ 5-સ્પીડ મેન્યુઅલ અને એએમટી ગિયરબોક્સના ઓપ્શન પણ હશે. મારુતિ સુઝુકીએ વેગનઆરના પ્રીમિયમ મોડલના લોન્ચિંગ ટાઈમલાઈન વિશે હાલ તો કોઈ જાહેરાત થઈ નથી. જોકે, એવી આશા છે કે મારુતિ XL5 વર્ષ 2021ની શરુઆતમાં લોન્ચ થશે. જેની કિંમત 1.2 લીટર એન્જિનવાળી વેગનઆરથી થોડી જ વધારે હોય શકે છે.