Maruti Suzukiએ સોમવારે પોતાની મોસ્ટ અવેઇટેડ એસયૂવી Vitara Brezza Facelift લોન્ચ કરી છે. નવી Maruti Suzuki Vitara Brezzaની કિંમત 7.34 લાખથી 11.40 લાખ રૂપિયાની વચ્ચે છે. નવી Maruti Brezza BS6 કમ્પ્લાયન્ટ પેટ્રોલ એન્જિનમાં આવી છે. પહેલા આ એસયૂવી ડીઝલ એન્જિનમાં આવતી હતી જેને હવે બંધ કરી દેવામાં આવી છે.
Maruti Suzukiએ પોતાની મોસ્ટ અવેઇટેડ એસયૂવી Vitara Brezza Facelift લોન્ચ કરી
Vitara Brezzaની કિંમત 7.34 લાખથી 11.40 લાખ રૂપિયાની વચ્ચે છે
નવી Maruti Brezza BS6 કમ્પ્લાયન્ટ પેટ્રોલ એન્જિનમાં આવી છે
જુના મોડલની તુલનામાં બ્રેઝા ફેસલિફ્ટની શરૂઆતી કિંમત 29 હજાર રૂપિયાથી ઓછી, જ્યારે ટૉપ મોડલની કિંમત લગભગ 80,000 રૂપિયા વધુ છે.
નવી મારુતિ બ્રેઝામાં 1.5 લીટર K15B પેટ્રોલ એન્જિન આપવામાં આવ્યું છે. જે 103 bhp નો પાવર અને 138 Nm ટૉર્ક જનરેટ કરે છે. તેની સાથે 5-સ્પીડ મેન્યુઅલ અને 4-સ્પીડ ઓટોમેટિક ગિયરબોક્સનું ઓપ્શન છે. ઓટોમેટિક ગિયરબોક્સ વાળા વેરિએન્ટમાં મારુતિની સ્માર્ટ હાઇબ્રિડ ટેક્નોલોજી પણ આપવામાં આવી છે. મેન્યુઅલ ગિયરબોક્સમાં બ્રેઝાની માઇલેજ 17.03 કિલોમીટર, જ્યારે સ્માર્ટ હાઇબ્રિડ ટેક્નોલોજીની સાથે આવનારી ઓટોમેટિક ટ્રાન્સમિશન વેરિએન્ટની માઇલેજ 18.76 કિલોમીટર પ્રતિ લીટર છે.
ફ્રેશ લુક
Maruti Brezza ફેસલિફ્ટને ફેબ્રુઆરીની શરૂઆતમાં યોજાયેલા ઓટો એક્સપોમાં રજૂ કરવામાં આવ્યો હતો. તેમા નવી ટ્વિન-સ્લેટ ગ્રિલ, રિવાઇઝ્ડ બંપર, બુલ-બાર સ્ટાઇલ સ્કિડ પ્લેટ, નવી ડિજાઇનના LED પ્રોજેક્ટર હેડલેમ્પ, L-શેપ ડીઆરએલ, 16 ઇન્ચ ડ્યૂલ ટોન અલૉય વિલ્ઝ અને નવી ફોગ લેમ્પ હાઉસિંગ આપવામાં આવી છે. રિયરમાં હવે LED ટેલલેમ્પ આપવામાં આવી છે પરંતુ ડિજાઇનમાં બદલાવ કરવામાં આવ્યો નથી.
અપડેટેડ ઇન્ટીરિયર
કેબિનની વાત કરીએ તો, બ્રેઝાના ફેસલિફ્ટ મોડલમાં રિવાઇઝ્ડ અપહોલ્સ્ટ્રી, લેધર ફિનિશ સ્ટીયરિંગ વીલ અને નવા 7 ઇન્ચ સ્માર્ટ પ્લે સ્ટૂડિયો ઇન્ફોટેનમેન્ટ સિસ્ટમ આપવામાં આવી છે. આ ઇન્ફોટેનમેન્ટ સિસ્ટમમાં હવે લાઇવ ટ્રાફિક અપડેટ, વોઇસ રિકગ્નિશન, વીઇકલ અલર્ટ અને ક્યૂરેટેડ ઓનલાઇન કોન્ટેન્ટ જેવી સુવિધાઓ છે. સાથે જ પહેલાની જેમ ઇન્ફોટેનમેન્ટ સિસ્ટમ એન્ડ્રોયડ ઓટો અને એપલ કારપ્લે પણ સપોર્ટ કરે છે.