4 ઓક્ટોબર એટલે કે આવતીકાલે સવારે 09.10 મિનિટે મંગળ મીન રાશિમાં પ્રવેશ કરશે. અહીં તે 24 ડિસેમ્બર સુધી રહેશે. પહેલાં મંગળ મેષ રાશિમાં હતો. મંગળને સાહસ, બળ, હિંસા, ક્રોધ અને ઉધારનો કારક ગ્રહ માનવામાં આવે છે. મંગળના દોષથી પીડિતને વૈવાહિક જીવનની સાથે દરિદ્રતા અને દુઃખનો સામનો કરવો પડે છે. તો જાણો કઈ રાશિઓ માટે મંગળનું રાશિ પરિવર્તન નકારાત્મક સાબિત થઈ શકે છે.
આવતીકાલે થશે મંગળનું રાશિ પરિવર્તન
24 ડિસેમ્બર સુધી મંગળ મીન રાશિમાં રહેશે
વૈવાહિક જીવન અને દરિદ્રતાનો કરવો પડશે સામનો
મિથુન
આ રાશિના જાતકોએ મંગળના રાશિ પરિવર્તનને લઈને સાવધાન રહેવાની જરૂર છે. શારિરીક તાકાતમાં ઘટાડો થઈ શકે છે, સાથે જ દામ્પત્ય જીવનમાં પણ ઉતાર ચઢાવ જોવા મળશે. મકાન કે દુકાન પર મોટી વિપત્તિ આવી શકે છે.
કન્યા
કન્યા રાશિ માટે આ સમય શુભ ફળ આપશે નહીં. આ સમયે વાણી પર સંયમ રાખવો જરૂરી છે. જમીન વિવાદ સાથે જોડાયેલી બાબતો મુશ્કેલી સર્જી શકે છે. માથાનો દુઃખાવો વધી જાય અને મુશ્કેલી સર્જે તેવું બની શકે છે.