ફેબ્રુઆરીથી બેન્કિંગ સેક્ટરથી લઈને અન્ય ક્ષેત્રોના અમુક નિયમોમાં ફેરફાર થશે. બેન્ક ઓફ બરોડા, સ્ટેટ બેન્ક ઓફ ઈન્ડિયા અને પંજાબ નેશનલ બેન્ક વિવિધ સેવાઓ સંબંધિત અમુક નવા નિયમ લાગુ કરશે.
પહેલી ફેબ્રુઆરીથી થશે ઘણા ફેરફાર
નવા નિયમો થશે લાગુ
જાણો તમારા ખિસ્સા પર શું પડશે અસર
નવા વર્ષનો પહેલો મહિનો પુરો થવા આવ્યો. આવતા મહિના એટલે કે ફેબ્રુઆરીની પહેલી તારીખથી ઘણા ફેરફાર થવાના છે. એક ફેબ્રુઆરીએ નાણામંત્રી નિર્મલા સીતારમણ બજેટ રજૂ કરશે. બજેટ ઉપરાંત પણ ઘણા એવા ફેરફાર છે જે ફેબ્રુઆરીથી થશે. આ ફેરફારથી તમારા ખિસ્સા પર સીધી અસર પડશે.
SBI કરી રહ્યું છે મોટા ફેરફાર
દેશની સૌથી મોટી સાર્વજનિક ક્ષેત્રની બેન્ક SBI પૈસા ટ્રાન્સફર કરવાના નિયમોમાં ફેરફાર કરી રહી છે. હવે બેન્ક 2 લાખ રૂપિયાથી 5 લાખ રૂપિયાની વચ્ચે IMPS દ્વારા પૈસા ટ્રાન્સફર કરવા પર 20 રૂપિયા + GST ચાર્જ વસુલશે. એટલે કે હવે તમારે પૈસા ટ્રાન્સફર કરવા મોંઘા પડી શકે છે.
મહત્વનું છે કે આરબીઆઈએ ઓક્ટોબર 2021માં IMPSના માધ્યમથી ટ્રાન્સઝેક્સનની એમાઉન્ટ 2 લાખ રૂપિયા વધારીને 5 લાખ રૂપિયા કરી દીધી હતી. રિઝર્વ બેન્કે IMPS દ્વારા થતા ટ્રાન્ઝેક્શનની લિમિટને પણ એક દિવસમાં 2 લાખ રૂપિયાથી વધારેની 5 લાખ રૂપિયા કરી દીધી છે.
બેન્ક ઓફ બરોડાના નિયમમાં ફેરફાર
એક ફેબ્રુઆરીથી થવા જઈ રહેલા ફેરફારમાં બેન્ક ઓફ બરોડાના ચેક ક્લીયરન્સના નિયમો પણ શામેલ છે. બેન્ક ઓફ બરોડાના ગ્રાહકોને 1 ફેબ્રુઆરીથી ચેક પેમેન્ટ માટે પોઝિટિવ પે સિસ્ટમ ફોલો કરવાની રહેશે. એટલે કે હવે ચેક સાથે જોડાયેલી જાણકારી પણ મોકલવાની રહેશે ત્યારે જ તમારો ચેક ક્લીયર થશે. તમને જણાવી દઈએ કે ફેરફાર 10 લાખ રૂપિયાથી ઉપરના ચેક ક્લીયરન્સ માટે છે.
પીએનબીમાં થશે આ ફેરફાર
PNBના બદલામાં નિયમની અસર સીધી તમારા ખિસ્સા પર પડશે. હકીકતે હવે જો તામારા એકાઉન્ટમાં પૈસા ન હોવાના કારણે હપ્તો કે રોકાણ ફેલ થઈ જાય છે તો તમારે 250 રૂપિયા પેનલ્ટી ચુકવવી પડશે. અત્યાર સુધી આ પેનલ્ટી 100 રૂપિયા હતી. એટલે કે હવે તમારે વધારે રકમ ચુકવવાની રહેશે.
ગેસ સિલિન્ડરની કિંમતમાં ફેરફાર
મહત્વનું છે કે દર મહિનાની પહેલી તારીખે રસોઈ ગેસની કિંમત નક્કી થાય છે. આ વખતે બજેટ પણ સામે છે. એવામાં જોવાનું રહ્યું કે ગેસ સિલિન્ડરની કિંમતોમાં શું અસર પડવાનો છે. જો કિંમતો વધે છે અથવા ઘટે છે તો નિશ્ચિત પણ જનતાના ખિસ્સા પર તેની અસર પડશે.
નવા વર્ષનું બજેટ રજૂ થશે
પહેલી ફેબ્રુઆરીએ નાણામંત્રી નિર્મલા સિતારમણ સામાન્ય બજેટ રજૂ કરશે. તેમાં ડાયરેક્ટ અને ઈનડાયરેક્ટ ટેક્સ સાથે જોડાયેલા નિયમોમાં ફેરફાર થઈ શકે છે. કોરોનાના કહેરથી મંદ પડેલી અર્થવ્યવસ્થાની વચ્ચે આ સામાન્ય બજેટ ખૂબ જ મહત્વપૂર્ણ છે. 5 રાજ્યોની ચૂંટણી પણ સામે આવી છે માટે એવું માનવામાં આવી રહ્યું છે કે સરકાર આ બજેટમાં ઘણા મહત્વપૂર્ણ નિર્ણય કરી શકે છે.