OMG / આજથી અમારા માટે તું મરી ગઈ: કહી પિતાએ પોલીસ ચોકીમાં દીકરીને કફન ઓઢાડી હાર પહેરાવ્યો, જુઓ શું આપ્યું કારણ

• મુસ્લિમ યુવક સાથે હિંદૂ યુવતીએ કર્યા લગ્ન 
• પિતા અને પરિવાર સાથે વાત કરવાનો કર્યો ઈનકાર 
• પિતાએ પોલીસ ચોકીમાં દીકરીને કફન ઓઢાડી પહેરાવ્યો હાર 

મધ્યપ્રદેશના મંદસૌરમાં એક હિંદૂ યુવતીએ પોતાના મુસ્લિમ મિત્ર સાથે લગ્ન કરી લીધા. તેના બાદ તે મુંબઈ જતી રહી. ત્યાર બાદ તે પોતાના વકીલની સાથે નારગઢ પોલીસ સ્ટેશન પહોંચી અને પોતાના લગ્નના કાગળ બતાવ્યા. ત્યાપ બાદ તેમના પિતાને બોલાવવામાં આવ્યા, જેમણે પોલીસ સ્ટેશનમાં જ જીવિત દિકરીને કફન પહેરાવ્યું અને માળા પહેરાવ્યા બાદ તેની સાથે સંબંધ તોડી નાખવાની વાત કહી. 

હકીકતે આ મામલો મંદસૌર જિલ્લાના નાહરગઢ વિસ્તારનો છે. ગયા વર્ષે હિંદૂ યુવતી પોતાના એક મુસ્લિમ મિત્ર સાથે ભાગી ગઈ હતી. ત્યાર બાદ તેણે લગ્ન પણ કરી લીધા. રવિવારે તે નારગઢ વિસ્તારમાં હાજર થઈ તેની સાથે વકીલ પણ આવ્યો હતો. 

યુવતીએ પરિવાર સાથે વાત કરવાનો કર્યો ઈનકાર 
યુવતીની ઓળખ અને ચર્ચા માટે તેના પિતાને પોલીસ સ્ટેશન બોલાવવામાં આવ્યા હતાં. ત્યાં જ યુવતીએ પરિવાર સાથે વાત કરવાનો ઈનકાર કરી દીધો. તેના બાદ તેમના પિતાએ કફન અને માળા પહેરાવીને સંબંધ ખતમ કરવાની વાત કહી. 

'દિકરીને મૃત માની કફન પહેરીને અંતિમ વિદાય આપી'
યુવતીના પિતાનું કહેવું છે, "મારી દિકરી કોલેજ ભણવા જતી હતી. ડોઢ વર્ષ પહેલા કોલેજ જતી વખતે તે બસ સ્ટેન્ડથી ગાયબ થઈ ગઈ હતી. તેનું અપહરણ થયું કે કોઈની સાથે જતી રહી હતી તેના વિશે કંઈ જાણકારી ન મળી. ડોઢ વર્ષ બાદ તે વકીલ લઈને પોલીસ સ્ટેશન આવી અને પોતાના કાગળ બતાવ્યા. તેનો નિર્ણય મને અને સમાજને માન્ય નથી. મેં દિકરીને મૃત માનતા કફન પહેરાવીને અંતિમ વિદાય આપી છે."