નિવેદન / પહેલા જ્યારે રુપિયો તૂટતો હતો ત્યારે મનમોહન સિંહની મજાક ઉડાવતા અને હવે... રાહુલ ગાંધીનો કટાક્ષ

• સોમવારે રુપિયો ડોલર સામે પહોંચ્યો અત્યાર સુધીની નીચલી સપાટીએ 
• રાહુલ ગાંધીએ પીએમ મોદી પર કર્યાં આકરા પ્રહાર 
• પહેલા જ્યારે રુપિયો તૂટતો હતો ત્યારે તમે મનમોહનની મજાક ઉડાવતા હતા
• ઈકોનોમી સુધારવા પર ધ્યાન આપો, હેડલાઈન મેનેજમેન્ટ પર નહીં 
• મોદી સરકારમાં રુપિયો આઈસીયુમાં ગયો-રણદીપ સુરજેવાલા 

રૂપિયાની ઘટતી કિંમતને લઈને રાહુલ ગાંધીએ ભાજપ સરકાર અને પીએમ મોદી પર કટાક્ષ કર્યો છે. તેમણે કહ્યું કે પીએમ મોદીએ હેડલાઇન મેનેજમેન્ટ પર નહીં પરંતુ અર્થવ્યવસ્થાને સુધારવા પર ધ્યાન આપવું જોઇએ.  મોદીના ભાષણનો ઉલ્લેખ કરતા તેમણે કહ્યું કે જ્યારે યુપીએ સરકારમાં રૂપિયો તૂટતો હતો ત્યારે પીએમ મોદી તેમની મજાક ઉડાવતા હતા. 

Modi ji, you used to criticise Manmohan ji when ₹ fell.

Now ₹ is at its lowest ever value. But I won't criticise you blindly.

A falling ₹ is good for exports provided we support exporters with capital and help create jobs.

Focus on managing our economy, not media headlines.

— Rahul Gandhi (@RahulGandhi) May 9, 2022

પહેલા મજાક ઉડાવતા અને હવે જુઓ-રાહુલ 
રાહુલ ગાંધીએ ટ્વિટર પર લખ્યું, મોદીજી, જ્યારે રૂપિયો પડતો હતો, ત્યારે તમે મનમોહનજીની મજાક ઉડાવતા હતા. જુઓ, હવે રૂપિયો અત્યાર સુધીના સૌથી નીચલા સ્તરે છે. છતાં અમે આંખ આડા કાન કરીને તમને દોષ દેતા નથી. તમે અર્થતંત્ર પર ધ્યાન કેન્દ્રિત કરો, મીડિયાની હેડલાઇન્સ પર નહીં. 

રુપિયો પહોંચ્યો અત્યાર સુધીની નીચલી સપાટીએ, એક ડોલર બરાબર 77.41 રુપિયા 
ઉલ્લેખનીય છે કે સોમવારે રુપિયો તેની અત્યાર સુધીની નીચલી સપાટીએ પહોંચ્યો છે. આજે અમેરિકન ડોલર સામે રૂપિયાનું મૂલ્ય 77.41 થઈ ગયું છે. 75 વર્ષમાં રૂપિયો ક્યારેય આટલો ઘટ્યો નથી.

મોદી સરકારમાં ભારતીય રૂપિયો આઈસીયુમાં ગયો
કોંગ્રેસ નેતા રણદીપ સુરજેવાલાએ ટ્વિટર પર લખ્યું, મોદી સરકારમાં ભારતીય રૂપિયો આઈસીયુમાં ગયો છે. હવે તે ભાજપના માર્ગદર્શક મંડળની ઉંમરને પણ પાર કરી ગયો છે. આનું કારણ શું છે? 

મોદી સીએમ હોત તો સરકારને દેશદ્રોહી ગણાવેત-ખડગે 

રાજ્યસભામાં વિપક્ષના નેતા મલ્લિકાર્જુન ખડગેએ પણ ટ્વીટ કર્યું હતું કે, રૂપિયો સૌથી નીચલા સ્તરે આવી ગયો છે. જો મોદી સીએમ હોત તો સરકાર પર નિશાન સાધીને દેશદ્રોહી ગણાવત, પરંતુ પીએમ મોદી ચૂપ છે.