આજકાલ યુવાનો નાની વાતમાં આપઘાત કરી લેતા હોય છે ત્યારે સુરતમાં પણ એક કિસ્સો સામે આવ્યો છે. જેમાં એક યુવકે મોતની છલાગં લગાવી છે.
સુરતના મોટા વરાછામાં બ્રિજ પરથી યુવકે લગાવી છલાંગ
મોટા વરાછા સવજીકોરાંટ બ્રિજ પરની ઘટના
યુવકની બાઇકમાંથી મળી ઝેરની બોટલ
આજે સુરતથી એક પછી એક ખરાબ સમાચાર સામે આવ્યા છે ત્યારે ફરીથી એક અમંગળ સમાચાર સામે આવ્યા છે. સુરતના મોટાવરાછા વિસ્તારમાં કાળજુ કંપાવી દેનારી ઘટના ઘટી છે. મોટા વરાછા સવજીકોરાંટ બ્રિજ પરની ઘટનાએ ચકચાર મચાવી છે. આ બ્રિજ પરથી એક યુવાને મોતની છલાંગ લગાવી દીધી હતી.
આપઘાત પાછળનું કારણ અકબંધ
પોલીસ સૂત્રોના જણાવ્યાનુંસાર બ્રિજ પરથી યુવકે મોતની છલાંગ લગાવી હતી. યુવકની બાઇકમાંથી ઝેરની બોટલ મળી આવી છે. જો કે, આપઘાત પાછળનું કારણ અકબંધ છે. ફાયર વિભાગ દ્વારા યુવાનને શોધવાની કામગીરી હાથધરી છે.