કોરોના / લૉકડાઉનમાં ફરવા માટે અપનાવ્યો અજબ આઈડ્યા, સામે પોલીસ પણ નીકળી ગજબ અને ઝડપી પાડ્યો

• કોરોના વાયરસને લઇને સમગ્ર દેશમાં લોકડાઉનનો માહોલ
• એક વ્યક્તિ ડોક્ટરનો કોટ પહેરી નીકળ્યો ફરવા
• પોલીસની ઝપેટમાં આવતા કરાઇ અટકાયત 

જો કે, કેટલાક લોકો એવા પણ છે જે વિવિધ બહાના આપીને આ નિયમ તોડી રહ્યા છે. તો કેટલાક લોકો નવી યુક્તિઓ લઈ રહ્યા છે. નોઈડામાં એક શખ્સે આવી જ યુક્તિ કરી હતી. ડોકટરો એક જગ્યાએથી બીજી જગ્યાએ સારવાર માટે જઈ શકે છે, તેથી આ વ્યક્તિ બનાવટી ડોક્ટર બન્યો હતો. તેણે માસ્ક પહેર્યો, ડોકટરોનો સફેદ ડ્રેસ ગોઠવ્યો અને પહેર્યો, નોઈડામાં ભટકતો હતો.

ઝડપાયો ડોક્ટર

જ્યારે આ વ્યક્તે રસ્તા પર ફરી રહ્યો હતો તે દરમિયાન તેનો ભેટો પોલીસ સાથે થયો. પોલીસે જ્યારે આ શખ્સની પૂછપરછ કરી તો તેણે પોતાને ડોક્ટર તરીકે ઓળખાવ્યો પરંતુ પોલીસની પારખું નજરમાં ચડેલા આ શખ્સની બનાવટ તરત જ ઝડપાઇ ગઇ. પોલીસે જ્યારે તેને વધુ સવાલ પૂછ્યા તો તે ગભરાવા લાગ્યો. 

પોલીસે અટકાયત કરી કાર્યવાહી હાથ ધરી 

પોલીસે આ વ્યક્તિ સાથે વાત કરવાનું કડક વલણ અપનાવ્યું તો તેણે પોતાની હકીકત પોલીસને જણાવી દીધી અને કહ્યું કે, મારે ફરવું હતું એટલે ડોક્ટરનો કોટ પહેર્યો, હાલ પોલીસે આ યુવકની અટકાયત કરી છે અને આગળની કાર્યવાહી હાથ ધરી હતી.