શહેરમાં રોજે અવનવી ઘટના બનતી હોય છે. ત્યારે ન્યુ રાણીપ વિસ્તારની એક ચોંકાવનારી ઘટના સામે આવી છે. ત્યારે ગઈ કાલે ન્યુ રાણીપ વિસ્તારમાં એક યુવકની કારમાંથી લાશ મળી આવતાં ચકચાર મચી ગઇ છે. જો કે મોત કેવી રીતે થયું તેનો રહસ્ય હજુ ઉકેલાયું નથી.
ન્યૂ રાણીપ વિસ્તારમાં ગઇ કાલે એક યુવકની કારમાંથી લાશ મળી આવતાં ચકચાર મચી ગઇ
થોડા દિવસ પહેલાં બોપલમાંથી એક યુવકની લાશ કારમાંથી મળી આવી હતી
૩૧ વર્ષિય હર્ષ પટેલ, જેનું ગઇકાલે રહસ્યમય રીતે મોત થયું છે
શહેરના ન્યૂ રાણીપ વિસ્તારમાં ગઇ કાલે એક યુવકની કારમાંથી લાશ મળી આવતાં ચકચાર મચી ગઇ છે. યુવકની હત્યા કરાઇ છે કે તેનું કુદરતી મોત થયું કે પછી તેને આત્મહત્યા કરી છે. તે શોધવા માટે પોલીસ તપાસ શરૂ કરી છે. ન્યૂ રાણીપ વિસ્તારમાં બ્રિજના છેડે વર્ના કારમાં યુવકની લાશ મળી આવી હતી. ઉલ્લેખનીય છે કે થોડા દિવસ પહેલાં જ બોપલમાં એક કારમાંથી યુવકની લાશ મળી આવી હતી.
ન્યૂ રાણીપ વિસ્તારમાં આવેલ શ્રીજી બંગલોમાં ૩૧ વર્ષિય હર્ષ પટેલ, જેનું ગઇકાલે રહસ્યમય રીતે મોત થયું છે. હર્ષ ગઇ કાલે પોતાની વર્ના કાર લઇને નીકળ્યો હતો અને ન્યૂ રાણીપ ઓવરબ્રિજની નીચે કાર પાર્ક કરી હતી. હર્ષ થોડો સમય સુધી બહાર નહીં આવતાં આસપાસના લોકોને શંકા ગઇ હતી. જેથી તેની કાર પાસે જઇને જોવા ગયા હતા. હર્ષ બેભાન હાલતમાં દેખાતાંની સાથે લોકોને હોસ્પિટલમાં લઇ ગયા હતા. જ્યાં ફરજ પરના ડોક્ટરોએ તેને મૃત જાહેર કર્યો હતો. ૩૧ વર્ષના હર્ષનું મોત કેવી રીતે થયું તે રહસ્ય હજુ સુધી અકબંધ છે.
પોલીસે હર્ષનું પોસ્ટમોર્ટમ કરાવીને લાશનો કબજો તેના પરિવારને સોંપી દીધો હતો. આ મામલે પોલીસનું કહેવું છે કે હાલ અકસ્માતનો ગુનો દાખલ કર્યો છે, પરંતુ પોસ્ટ મોર્ટમ રિપોર્ટ બાદ જે પણ સામે આવશે તે પ્રમાણે કાર્યવાહી કરવામાં આવશે. ઉલ્લેખનીય છે કે થોડા દિવસ પહેલાં બોપલમાંથી એક યુવકની લાશ કારમાંથી મળી આવી હતી, જેમાં તેની હત્યા થઇ હોવાનો ખુલાસો પીએમ રિપોર્ટમાં થયો હતો.