એક અમેરિકન શખ્સ આશરે 2100 રૂપિયામાં એક આર્ટવર્ક ખરીદીને ઘરે લાવ્યો. પરંતુ જ્યારે તેને આર્ટવર્કની અસલી કિંમત જાણવા મળી તો તે અચરજ પામી ગયો. આ શખ્સ એકઝાટકે અબજપતિ બની ગયો. ખરેખર, સ્કેચ પોતાની કિંમતથી ઘણી અમુલ્ય હતી.
એક અમેરિકન શખ્સ આશરે 2100 રૂપિયામાં આર્ટવર્ક ખરીદીને ઘરે લાવ્યો
આ આર્ટવર્કની અસલી કિંમત જાણવા મળી તો આશ્ચર્યમાં ગરકાવ થયો
આ શખ્સ એકઝાટકામાં બન્યો અબજપતિ, નિષ્ણાંતો પણ હેરાન
એક શખ્સે માતા-બાળકની તસ્વીરને ખરીદી
એક વેબપોર્ટલની રિપોર્ટ મુજબ, આ શખ્સે પોતાનું નામ ગુપ્ત રાખ્યું છે. તે મૈસાચ્યુસેટ્સનો રહેવાસી છે. તેણે તાજેતરમાં આર્ટવર્ક સેલથી એક માતા-બાળકની તસ્વીરને ખરીદી હતી. આ તસ્વીર તેને જાણીતી આર્ટવર્કની પ્રતિકૃતિ લાગી. જેણે તેને અંદાજે 2100 રૂપિયા આપી ખરીદી. જોકે, જ્યારે આ શખ્સે તસ્વીરને ખરીદી હતી ત્યારે તેને બિલ્કુલ પણ અંદાજ ન હતો કે આ અમુલ્ય છે. તેને એ પણ ખબર નહોતી કે આ તસ્વીર કેટલી જૂની છે અને બિલ્કુલ ઓરિજનલ છે.
એકઝાટકે બન્યો અબજપતિ
ખરેખર, પીળા રંગના લેનિન કપડાં પર બનેલા આ સ્કેચને 15મી શતાબ્દીમાં બનાવવામાં આવ્યું હતુ. જેને વિશ્વના જાણીતા મોનોગ્રામ્સ Albrecht Dürer એ બનાવ્યું હતુ. એક રિપોર્ટ મુજબ, આ પુનર્જાગરણ કાળના જર્મન કલાકારનું ઓરીજનલ આર્ટવર્ક છે, જેને અમેરિકન શખ્સે 2100 રૂપિયામાં ખરીદ્યુ છે. આ તસ્વીરનો અભ્યાસ કર્યા બાદ તેની કિંમત 368 કરોડ રૂપિયા નક્કી કરવામાં આવી છે.
આર્ટવર્કના નિષ્ણાંતો પણ હેરાન
આ સ્કેચને જોઈને આર્ટવર્કના નિષ્ણાંતો હેરાન થઇ ગયા. તેમનું કહેવુ હતુ કે આટલી ઓછી કિંમતમાં આ સ્કેચ કેવીરીતે આ શખ્સના હાથમાં આવી ગયુ અને તેને વેચનારા શખ્સો અજાણ રહ્યાં. પહેલા આ સ્કેચને મૈસાચ્યુસેટ્સમાં 2016માં દિવંગત વાસ્તુકાર જીન પૉલ કાર્લહિયનના પરિવારે વેચ્યુ હતુ.