કોણ બનશે અધ્યક્ષ / મારે ચૂંટણી નહોતી લડવી પણ આ કારણે...: અમદાવાદથી ખડગેએ શરૂ કર્યો પ્રચાર, આપ્યું મોટું નિવેદન

• કોંગ્રેસ અધ્યક્ષ પદની હરીફાઈ થઇ તેજ
• મલ્લિકાર્જુન ખડગે પહોચ્યા ગુજરાત
• અમદાવાદમાં સાબરમતી આશ્રમથી શરૂઆત

કોંગ્રેસ અધ્યક્ષ પદની હરીફાઈ હવે વધુ રસપ્રદ બનવા જઈ રહી છે. ઉમેદવારો મલ્લિકાર્જુન ખડગે અને શશિ થરૂર હવે તેમના ચૂંટણી પ્રચાર માટે મેદાનમાં ઉતર્યા છે. શશિ થરૂરે તેમના ચૂંટણી પ્રચારની શરૂઆત કરી દીધી છે, મલ્લિકાર્જુન ખડગે આજે ગુજરાતમાંથી તેમના ચૂંટણી પ્રચારની શરૂઆત કરી છે.

પત્રકાર પરિષદ યોજી
કોંગ્રેસ પ્રમુખપદના ઉમેદવાર મલ્લિકાર્જુન ખડગે આજે ગુજરાતમાં પોતાનો ચુંટણી પ્રચાર શરુ કરો છે. તેઓએ અમદાવાદમાં પ્રદેશ કોંગ્રેસના ડેલિગેટ્સ સાથે બેઠક પૂર્ણ કરી છે. આ બેઠક બાદ મલ્લિકાર્જૂન ખડગેની પત્રકાર પરિષદ યોજી હતી.

સાબરમતી આશ્રમની મુલાકાત લીધી
ખડગેએ પોતાનો ચુંટણી પ્રચારની શરૂઆત અમદાવાદમાંથી શરુ કરી છે. કાલે મોડી રાત્રે ખડગે અમદાવાદ એરપોર્ટ પર ઉતર્યા હતા. અને આજથી તેઓએ પોતાના પ્રચારની શરૂઆત કરી છે. તેઓ સૌથી પહેલા સાબરમતી આશ્રમ પહોચ્યા હતા. અને ત્યારબાદ તેમનું નિવેદન આપ્યું હતું. ખડગે કે કહ્યું હતું કે,' જે વ્યક્તિએ દેશને બધુ જ આપ્યુ તે મહાત્મા ગાંધીના દર્શન કર્યા, દેશના રાજ્યોને જોડવાનું કામ વલ્લભભાઈ પટેલે કર્યુ, ગાંધી અને સરદારે જ્યાથી કામગીરી કરી ત્યા આવ્યો છુ. 

ચુંટણી લડવાને લઈને મોટું નીવેદન 
વધુમાં ખડગેએ પોતાના ચુંટણી લડવાનું કારણ પણ જણાયું હતું. તેઓએ વધુમાં જણાવ્યું હતું કે કોંગ્રેસમાં મેં 54 વર્ષ વિતાવ્યા છે. મારે ચુંટણી લડવાની ઈચ્છા નહોતી. પાર્ટીના સિનિયર નેતાઓએ મને કહ્યું એટલે મારે મેદાનમાં ઉતરવું પડ્યું. તેઓએ કહ્યું ગાંધી પરિવારમાંથી કોઈ ચુંટણી લડવા નથી માંગતા. કાર્યકરોના કહેવા પર હું ચુંટણી લડી રહ્યો છું. અને કોંગ્રેસની વિચારધારાને વધારવાનું કામ મારે કરવાનું છે.