- ઉપરાષ્ટ્રપતિને ખડગેએ વિપક્ષ તરફથી કરી વાત
- વિપક્ષનાં બળ પર બોલ્યાં ખડગે
- સંસદમાં દેખાયો ખડગેનો શાયરાના અંદાજ
શિયાળાનાં સત્રનાં પહેલા દિવસે રાજ્યસભામાં પીએમ નરેન્દ્ર મોદીએ ઉપરાષ્ટ્રપતિ જગદીપ ધનખડનું સ્વાગત કર્યું તો વિપક્ષે તેમને પોતાનું ધ્યાન રાખવા માટેની અપીલ પણ કરી. રાજ્યસભામાં કોંગ્રેસનાં નેતા મલ્લિકાર્જુન ખડગેએ ઉપરાષ્ટ્રપતિનું સ્વાગત કરતાં કહ્યું કે મને આશા છે કે તમે અમારી ભાવનાઓને સમજશો. અમે અમારા તરફથી તમને સંપૂર્ણ સહયોગ કરશું. એટલું જ નહીં આ દરમિયાન તેમણે એ પીડા પણ વ્યક્ત કરી કે સંસદમાં નંબરોની જ ભાષા સમજવામાં આવે છે. અને કોઇ પણ દળનાં નેતાનાં અનુભવ, તર્કો અને વિચારો પર ધ્યાન દેવામાં આવતું નથી.
વિપક્ષનાં બળ પર બોલ્યાં ખડગે
મલ્લિરાર્જુન ખડગેએ કહ્યું કે વિપક્ષમાં લોકોનું સંખ્યાબળ ભલે ઓછું હોય પરંતુ તેમના અનુભવ અને તર્કોમાં શક્તિ છે. સમસ્યાએ છે કે તેમની જગ્યા નંબરોને આધારે નક્કી થાય છે, વિચારોનાં આધારે નહીં. સાંસદમાં બેઠકો ઓછી હોવાથી નબળાં વર્ગનાં લોકોને વાતચીતનો મોકો ઓછો મળે છે અને ઘણીવાર બિલ પણ ઊતાવળમાં પસાર કરી દેવામાં આવે છે.
સંસદ પહેલાં 100 દિવસ ચાલતું હતું...- ખડગે
મલ્લિકાર્જુન ખડગે બોલ્યાં કે પહેલાં સંસદ વર્ષમાં 100 દિવસથી વધુ દિવસો ચાલતું હતું પરંતુ હવે 60થી 70 દિવસો પણ નથી ચાલી શકતું. સાંસદમાં બેઠકો થશે તો સારો નિર્ણય લઇ શકાશે. એટલું જ નહીં આ દરમિયાન કોંગ્રેસ પર પ્રહારો કરતાં શાયરીનાં અંદાજમાં ખડગેએ વિપક્ષનો પક્ષ લીધો.
મારી હાલત પણ બદલશે અને તારો અભિપ્રાય પણ- ખડગે
કોંગ્રેસની નબળાઇ પર નિશાન સાધતાં ખડગે શાયરાના અંદાજમાં બોલ્યાં કે, 'મારા માટે કોઇ પણ અભિપ્રાય ન બનાવતા ગાલિબ, મારો સમય બદલાશે, તારો અભિપ્રાય પણ બદલી જશે. ' કોંગ્રેસનાં અધ્યક્ષએ ઉપરાષ્ટ્રપતિથી કહ્યું કે ઊપલાં ગૃહનાં સંરક્ષકનાં રૂપમાં તમારી ભૂમિકા અન્ય જવાબદારીઓથી ઘણી મોટી છે. તમે ભૂમિપુત્ર છો અને અહીં સુધી પહોંચવાની યાત્રા મહત્વની છે.
બંને ગૃહોનાં મહત્વ પર બોલ્યાં ખડગે
કોંગ્રેસનાં લીડર ખડગેએ કહ્યું કે રાજ્યસભાએ ભારતીય લોકતંત્રમાં સંવાદની પરંપરાને મજબૂતી આપી છે. જેવી રીતે સંસદ 2 ગૃહોનાં મળીને બને છે તેવી રીતે લોકતંત્ર વિપક્ષ અને સત્તા પક્ષ બંનેનાં મળવાથી બને છે. તેથી જરૂરી છે કે વિપક્ષનો પણ અભિપ્રાય લેવામાં આવે. તેમણે કહ્યું કે બાબાસાહેબ આંબેડ્કરએ બંને ગૃહો માટે અલગ સચિવાલય બનાવવાની વાત કહી હતી જેથી બંનેનું મહત્વ જળવાઇ રહે.
