રેસપી / શાકની ગરજ સારશે ફટાફટ બની જતું આ ટેસ્ટી અને હેલ્ધી રાયતું, આજે જ કરો ટ્રાય

• શાકની ગરજ સારે છે રાયતું
• ટેસ્ટી અને હેલ્ધી રાયતું વધારે છે થાળીની મજા
• સરળ રેસિપી સાથે ઝડપથી બની જાય છે મિક્સ રાયતું

મિક્સ રાયતું

સામગ્રી

• 3 કપ દહીં 
• 2 નંગ નાના ટામેટા ઝીણા સુધારેલા
• 2 નંગ નાની ડુંગળી ઝીણી સુધારેલી
• 2 નંગ ગાજર ઝીણા સુધારેલા
• 2 નંગ નાની કાકડી ઝીણી સુધારેલી
• 1 નંગ બીટ ઝીણા સુધારેલા
• 3 નંગ લીલા મરચા ઝીણા સુધારેલા
• 1 કપ કોથમીર ઝીણી સુધારેલી
• 1 કપ ફુદીનો ઝીણી સુધારેલી
• 1 ટી સ્પૂન સુંઠ 
• 1 ટી સ્પૂન જીરૂં 
• 2 ટી સ્પૂન ખાંડ 
• 1 ટી સ્પૂન મરચું 
• મીઠું સ્વાદાનુસાર

રીત

સૌપ્રથમ ડુંગળી, કાકડી, ગાજર, બીટ, લીલા મરચા અને ટામેટાને ધોઈને બારીક સમારી લો. ફુદીનો અને કોથમીર પણ સારી રીતે ધોઈને સમારી લો. દહીંને વલોવી લો. જીરાને ધીમી આંચે શેકીને ક્રશ કરી લો. હવે વલોવેલા દહીંમાં બધા સમારેલા શાક નાખો. મરચું, મીઠું અને શેકેલા જીરાનો પાવડર ઉમેરી સારી રીતે મિક્સ કરો. ફ્રિઝમાં ઠંડું થવા દઈ પછી સર્વ કરો. આ રાયતું તમે સાદા પરોઠા સાથે કે સ્ટફ પરોઠા સાથે કે પછી પુલાવ સાથે પણ પીરસી શકો છો.