ગાંધીધામ: ભંગારના વાડામાં ભભૂકી આગ તમામ માલ બળીને થયો ખાખ

કચ્છ: ગાંધીધામ GIDCમાં આગ લાગી છે. GIDCમાં આવેલા ભંગારના વાડામાં આગ લાગતા ઘટનાની જાણ ફાયર વિભાગને કરવામાં આવી હતી.

ઘટનાની જાણ ફાયર વિભાગને થતા ફાયરના જવાનો ઘટના સ્થળે પહોંચ્યા છે અને આગ પર કાબૂ મેળવવા પ્રયાસ હાથ ધર્યા છે. ઉલ્લેખનીય છે કે વાડામાં રહેલો પ્લાસ્ટિકનો જથ્થો બળીને ખાખ થયો છે. ત્યારે ફાયર દ્વારા આગ પર કાબૂ મેળવવા કાર્યવાહી યથાવત છે. 

આ ઘટના અંગે મળતી જાણકારી અનુસાર ગાંધીધામ GIDC માં આવેલ ભંગાર વાડામાં આજરોજ બપોરના સમયે અચાનક આગ લાગતા અફરાતફરીનો માહોલ સર્જાયો હતો. આગ એટલી ભયંકર લાગી હતી કે જેના કારણે ભંગારના વાડામાં પડેલ માટોભાગનો માલ બળીને ખાખ થઇ ગયો હતો. 

આ ઘટનાની જાણ થતાં જ સ્થાનિક લોકો ઘટના સ્થળે આવી પહોંચ્યા હતા તો ફાયર વિભાગ પણ ઘટના સ્થળે આવી પહોંચેલ અને પાણીનો મારો ચલાવીને આગને કાબુમાં લેવાનો પ્રયાસ કર્યો હતો. જો કે આગ એટલી ભયંકર લાગી હતી કે ભંગારના વાડાની આસપાસ રહેલા કેટલાક મકાનોને પણ નુકસાન થવા પામેલ. આગને લઇને આસપાસના રહેણાક વિસ્તારોમાં ફફડાટ ફેલાયો હતો.