BIG BREAKING / અમદાવાદમાં રથયાત્રા દરમિયાન મોટી દુર્ઘટના: મકાનની છત ધરાશાયી થતાં 1નું મોત, 22 ઘાયલ

• અમદાવાદમાં ભગવાન જગન્નાથની 146 મી રથયાત્રામાં દુર્ઘટના
• દરિયાપુર વિસ્તારમાં એક બિલ્ડીંગની બાલ્કની એકાએક તૂટી
• બાલ્કનીમાં દબાઈ જતા 1 વ્યક્તિના મોતથી અરેરાટી

અમદાવાદમાં પોલીસના ચાંપતા બંદોબસ્ત અને ધાર્મિક વાતાવરણ સાથે ભગવાન જગન્નાથની 146 મી રથયાત્રાની રંગેચંગે ઉજવણી કરવામાં આવી રહી છે. આ દરમિયાન ભગવાન જગન્નાથની રથયાત્રામાં મોટી દુર્ઘટના સર્જાઇ હતી. જેમાં દરિયાપુર વિસ્તારમાં એક બિલ્ડીંગની બાલ્કની એકાએક તૂટી પડતા અફરાતફરીનો માહોલ સર્જાયો હતો.

One dead, five injured after crowded balcony of house collapses during Jagannath Rath Yatra procession in Ahmedabad: Police

— Press Trust of India (@PTI_News) June 20, 2023

દબાઈ જતા 1 વ્યક્તિનું મોત
જેમાં રથયાત્રાના દર્શન કરવા બાલ્કનીમાં ઉભેલા લોકો નીચે ખાબક્યા હતા. આ દરમિયાન દરિયાપુરમાં ખીચોખીચ ભરેલી ઘરની બાલ્કનીમાં દબાઈ જતા 1 વ્યક્તિનું મોત નીપજ્યું હતું.જેને લઈને અરેરાટી મચી જવા પામી હતી. જ્યારે 22 થી વધુ લોકોને ગંભીર ઈજા થઈ હોવાનું જાણવા મળી રહ્યું છે. જેને લઇને તાત્કાલિક તેઓને સારવાર અર્થે નજીકની હોસ્પિટલ ખાતે ખસેડવામાં આવ્યા હતા.

અમદાવાદ રથયાત્રા : દરિયાપુરમાં ખીચોખીચ ભરેલી ઘરની બાલ્કની તૂટી પડતાં 1નું મોત, 5 ઘાયલ#gujarat #ahmedabad #rathyatra2023 #dariyapur #vtvgujarati pic.twitter.com/Q568omlssm

— VTV Gujarati News and Beyond (@VtvGujarati) June 20, 2023