દેશમાં સ્વાસ્થ્ય સિસ્ટમ કેટલી સડી ગઈ છે તેનો વધુ એક નમૂનો સામે આવ્યો છે. યુપીમાં એક હોસ્પિટલમાંથી આવો જ કડકો અનુભવ એક મહિલાને થયો છે.
યુપીમાંથી વિચિત્ર કિસ્સો સામે આવ્યો
મહિલા પોતાના દિકરાની સારવાર માટે હોસ્પિટલમાં ગઈ હતી
જ્યાં બ્લડના નામે લાલ રંગનું ઈંજેક્શન મારી ગ્લૂકોઝ ચડાવી દીધું
ઉત્તર પ્રદેશના મહોબા જિલ્લા હોસ્પિટલમાં એક વૃદ્ધ મહિલા પોતાના બિમાર દિકરાની સારવાર કરવા માટે પહોંચી હતી. ડોક્ટરે તેને બ્લડ ચડાવવા માટે કહ્યુ હતું. આરોપ છે કે, મહિલાએ પોતાના ઘરેણા વેચીને પૈસાની વ્યવસ્થા કરી હતી અને લોહીની વ્યવસ્થા કરવા માટે 5 હજાર રૂપિયાની લાંચ હોસ્પિટલની મહિલા સ્વાસ્થ્યકર્મીને આપી હતી. ત્યાર બાદ બ્લડ ચડાવવાના નામ પર ગ્લૂકોઝમાં લાલ રંગનું ઈંજેક્શન મારીને ચડાવી દીધું હતું. આ કિસ્સો ચર્ચામાં આવતા હડકંપ મચી ગયો હતો. સીએમએસે 3 સભ્યોની ટીમ બનાવીને તપાસ બાદ કાર્યવાહીની વાત કહી છે.
પ્રાપ્ત વિગતો અનુસાર જોઈએ તો, મહોબા જિલ્લા હોસ્પિટલમાં ભડરા ગામની મહિલા રામ કુમારી પોતાના દિકરા જુગલની સારવાર માટે હોસ્પિટલમાં પહોંચી હતી. જ્યાં ડોક્ટરે તેનામાં લોહીની કમી હોવાનું જણાવ્યું હતું.
બ્લડ ચડાવવાના નામ પર છેતરપીંડી કરી
આરોપ છે કે, ત્યાર બાદ જિલ્લા હોસ્પિટલમાં એક મહિલા સ્વાસ્થ્યકર્મી રાજકુમારીએ વૃદ્ધ મહિલા પાસેથી બ્લડ ચડાવવાના નામ પર પાંચ હજાર રૂપિયાની લાંચ લીધી અને ગ્લૂકોઝની બોટલમાં લાલ રંગનું ઈંજેક્શન મારીને ચડાવી દીધું. કહેવાય છે કે ,આ મહિલાના પોતાના ઘરેણા વેચીને પૈસાની વ્યવસ્થા કરી હતી. પણ હોસ્પિટલે તેની સાથે છેતરપીંડી કરી લૂંટી લીધી.આ મામલાને ધ્યાન લઈને સમાજસેવી સંસ્થાઓએ જિલ્લા હોસ્પિટલમાં પહોંચીને CMS ને ફરિયાદ કરી હતી. આરોપી મહિલા સ્વાસ્થ્ય કર્મી વિરુદ્ધ પણ કાર્યવાહીની માગ કરી છે.
દર્દીની તબિયત ખરાબ થઈ
જિલ્લા હોસ્પિટલના CMS ડો. આરપી મિશ્રાએ આ મામલે તપાસ કરવા માટે ત્રણ સભ્યોની ટીમ બનાવી છે. તપાસ માટે જ્યારે અધિકારીઓ વોર્ડ નંબર 1માં પહોંચ્યા તો, ત્યાં મહિલા પણ ન મળી અને તેનો દર્દી દિકરો પણ ન મળ્યો, બાદમાં જાણવા મળ્યું છે કે, મહિલાના દિકરાની તબિયત વધારે ખરાબ થતાં બંને હોસ્પિટલ છોડીને અન્ય જગ્યાએ જતાં રહ્યા. આ બાજૂ તપાસ દરમિયાન હોસ્પિટલના અધિકારીઓ ખો આપી રહ્યા છે, જ્યારે બીજી બાજૂ મહિલા અને તેનો દિકરો હજૂ સુધી મળ્યા નથી.