અન્નદાતાના ટેકામાં / ખેડૂતોના સમર્થનમાં ગાજીપુર બોર્ડર પહોંચ્યા ગાંધીજીના પૌત્રી, કોઈનું નામ ન લીધું પણ કહ્યું આટલો અભણ વ્યક્તિ...

• તારા ગાંધી ગાંધીજીના સૌથી નાના અને ચોથા પુત્ર દેવદાસ ગાંધીના પુત્રી છે 
• હું સચ્ચાઈની સાથે છું અને સચ્ચાઈ માટે લડતી રહીશ.
• ખેડૂતોની ભલાઈમાં જ દેશ અને આપણા બધાનં ભલું સચવાયેલું છે- તારા ગાંધી  

રાકેશ ટિકૈત સાથેની મુલાકાત બાદ પત્રકારો સાથે વાત કરતા તારા ભટ્ટાચાર્યે કોઈનું નામ લીધા વગર જણાવ્યું કે આટલો અભણ વ્યક્તિ ક્યારેય પણ આવ્યો નથી. ગાંધીજીની સાથે મારો 14 વર્ષનો અનુભવ છે. હું સચ્ચાઈની સાથે છું અને હમેંશા સચ્ચાઈ માટે લડતી રહીશ. રાષ્ટ્રીય ગાંધી મ્યુઝિયમના અધ્યક્ષ 84 વર્ષીય તારાએ પ્રદર્શનકારી ખેડૂતોને શાંતિ જાળવી રાખવાની અપીલ કરી.

અમે ખેડૂતોના ટેકામાં આવ્યાં છીએ

તારાએ કહ્યું કે અમે અહીં કોઈ રાજકીય કાર્યક્રમ માટે આવ્યાં નથી. અમે ખેડૂતોના ટેકામાં આવ્યાં છીએ, ખેડૂતોએ આપણને બધાને અનાજ આપ્યું છે. તેમણે કહ્યું કે મારી ઈચ્છા છે કે જે કંઈ પણ થાય, તેનો ફાયદો ખેડૂતોને  મળવો જોઈએ, ખેડૂતોની તનતોડ મહેનતથી કોઈ અજાણ્યુ નથી. તેમણે ખેડૂતોને કહ્યું કે અમે બધા તમારા કારણે જીવીએ છીએ. ખેડૂતોની ભલાઈમાં જ દેશ અને આપણા બધાનં ભલું સચવાયેલું છે. ભટ્ટાચાર્યે 1857 ના બળવાને યાદ કરતા જણાવ્યું કે આ બળવો પશ્ચિમી યુપીમાં મેરઠથી શરુ થયો હતો. હું પ્રદર્શન સ્થળે ખેડૂતો માટે પ્રાર્થના કરવા આવી છું. 

તારા ગાંધી ગાંધીજીના ચોથા અને સૌથી નાના પુત્ર દેવદાસ ગાંધીના પુત્રી

તારા ગાંધીનો જન્મ 1936 માં ગાંધીજીના ચોથા અને સૌથી નાના પુત્ર દેવદાસ ગાંધીના ઘેર થયો હતો. તેમણે તેમના જીવનના 14 વર્ષ ગાંધીજી સાથે ગાળ્યાં હતા. 1940 ની સાલમાં તેઓ પિતા દેવદાસ ગાંધી સાથે હિંદુસ્તાન ટાઈમ્સના બિલ્ડિંગમાં શિફ્ટ થયા હતા. તેમના પિતા દેવદાસ ગાંધી હિંદુસ્તાન ટાઈમ્સના એડિટર હતા. 

’