IPLIN
 
  • Home
  • Mumbai
  • Maharashtra Shiv Sena leader Sanjay Raut meets NCP chief Sharad Pawar

મહારાષ્ટ્રમાં રાજકારણ ગરમાયું / શરદ પવારે કહ્યું, ભાજપ-શિવસેના જલ્દી સરકાર બનાવે, NCP-કોંગ્રેસ વિપક્ષની ભૂમિકા નિભાવશે

Team VTV 12:30 PM, 06 Nov 19 | Updated: 01:05 PM, 06 Nov 19
Follow us
Maharashtra Shiv Sena leader Sanjay Raut meets NCP chief Sharad Pawar

મહારાષ્ટ્રમાં સરકાર ગઠનને લઇને હજી પણ અસમજંસની પરિસ્થિતિ જોવા મળી રહી છે. એક તરફ જ્યાં ભાજપ અને શિવસેના તરફથી નિવેદનો આવી રહ્યાં છે, જેને લઇને બંને પક્ષો કોઇ ઠોસ નિર્ણય પર પહોંચી શક્યાં નથી. જો કે તેની વચ્ચે NCP પ્રમુખ શરદ પવારે કહ્યું કે ભાજપ-શિવસેના જલ્દી સરકાર બનાવે. કોંગ્રેસ અને NCP વિપક્ષની ભૂમિકા નિભાવશે.

  • મહારાષ્ટ્રમાં સરકાર બનવાને લઇને સસ્પેન્સ યથાવત્
  • શિવસેના નેતા સંજય રાઉત શરદ પવારને મળ્યાં
  • દેવેન્દ્ર ફડણવીસે ગઇકાલે મોહન ભાગવત સાથે કરી હતી મુલાકાત

મહારાષ્ટ્રમાં સરકારને લઇને શરદ પવારનું મોટુ નિવેદન

NCP પ્રમુખ શરદ પવારે સરકાર પર ચાલી રહેલી ખેંચતાણ વચ્ચે પોતાના પક્ષની સ્થિતિ સ્પષ્ટ કરી છે. શરદ પવારે કહ્યું કે જે રાજકીય પરિસ્થિતિ છે તેના પર કહેવા માટે કાંઇ નથી. અમને વિપક્ષમાં બેસવાની તક મળી છે. ભાજપ-શિવસેના જલ્દી સરકાર બનાવે.  કોંગ્રેસ અને NCP વિપક્ષની ભૂમિકા નિભાવશે. આ સાથે જ પવારે કહ્યું કે જે લોકોને જનતાએ જનાદેશ આપ્યો છે તેઓએ સાથે મળી સમાધાન કરવું જોઇએ. આ સાથે જ તેઓએ સંજય રાઉત સાથે મુલાકાતને લઇ કહ્યું કે સંજય રાઉત સાથે મુલાકાત સકારાત્મક થઇ છે.  
 


સંજય રાઉતે NCP અધ્યક્ષ શરદ પવાર સાથે કરી મુલાકાત

આ અગાઉ શિવસેનાના સાંસદ સંજય રાઉતે મહારાષ્ટ્રમાં સરકારને લઇને ચાલી રહેલા રાજકીય ઉથલપાથલ વચ્ચે NCP અધ્યક્ષ શરદ પવાર સાથે મુલાકાત કરી હતી. 

 

શરદ પવારની મુલાકાત બાદ સંજય રાઉતે આપ્યું નિવેદન

શિવસેનાના વરિષ્ઠ નેતા સંજય રાઉત રાષ્ટ્રવાદી કોંગ્રેસ પાર્ટી (NCP) નેતા શરદ પવાર સાથે મુલાકાત કર્યા બાદ કહ્યું હતું કે રાજ્ય અને દેશના એક વરિષ્ઠ નેતા છે. મહારાષ્ટ્રની રાજકીય સ્થિતિને લઇને તેઓ ચિંતિત છે. જેને લઇને અમે સંક્ષિપ્ત ચર્ચા કરી છે. 

સંજય રાઉતે માતોશ્રીમાં ઉદ્ધવ ઠાકેર સાથે કરી મુલાકાત

NCP પ્રમુખ શરદ પવાર સાથે મુલાકાત કર્યા બાદ સંજય રાઉત શિવસેનાના પ્રમુખ ઉદ્ધવ ઠાકરેને મળવા માતોશ્રી પહોંચ્યાં. આ અગાઉ પવાર સાથેની મુલાકાત બાદ રાઉતે કહ્યું હતું કે પવાર એક સિનિયર નેતા છે. 

 

 

NCP Maharashtra Shiv Sena મહારાષ્ટ્ર શિવસેના એનસીપી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ