- મહારાષ્ટ્રના નવા CM ને લઈને વિખવાદ
- ભાજપના પ્રદેશ અધ્યક્ષ ચંદ્રકાંત પાટીલનું નિવેદન
- દિલ પર પથ્થર રાખીને એકનાથ શિંદેને CM બનાવ્યા
મહારાષ્ટ્રની નવી સરકારમાં એકનાથ શિંદેના સીએમ બનવાને લઇને ભાજપની અંદરથી પહેલો વિરોધ ઉઠ્યો છે. વાસ્તવમાં પ્રદેશ કારોબારીની બેઠકમાં ભાજપના પ્રદેશ અધ્યક્ષ ચંદ્રકાંત પાટીલના નિવેદનથી હલચલ મચી શકે છે. તેમણે કહ્યું કે, "સરકારને સ્થિર કરવા અને સંદેશ આપવા માટે અમે માથે પથ્થર રાખીને એકનાથ શિંદેને મુખ્યમંત્રી બનાવ્યા, અમે આ દુખને પચાવીને આનંદ સાથે કાર લઈને આગળ વધ્યા." તેમણે કહ્યું કે, 30 જૂને શિવસેનાના બળવાખોર એકનાથ શિંદેએ મુખ્યમંત્રી પદ અને દેવેન્દ્ર ફડણવીસે ડેપ્યુટી સીએમ પદના શપથ લીધા હતા. સાથે જ દેવેન્દ્ર ફડણવીસના ડેપ્યુટી સીએમ બનવાની ઘટનાએ સૌને ચોંકાવી દીધા હતા. હવે આ જ મામલે ચંદ્રકાંત પાટીલે આ વાત કહી હતી.
સરકારના મંત્રીમંડળનું વિસ્તરણ હજુ સુધી થયું નથી
મુખ્યમંત્રી એકનાથ શિંદે અને તેમના ડેપ્યુટી દેવેન્દ્ર ફડણવીસના શપથ ગ્રહણના 22 દિવસ બાદ પણ મહારાષ્ટ્રમાં નવી સરકાર હજુ પણ કેબિનેટ વિસ્તરણની રાહ જોઇ રહી છે. શુક્રવારે દિલ્હીની બંને મુલાકાત બાદ ભાજપનું ટોચનું નેતૃત્વ મંત્રીઓની સૂચિને મંજૂરી આપે તેવી સંભાવના છે. જો કે, રાજ્ય મંત્રીમંડળના વિસ્તરણની તારીખ હજુ નક્કી થઈ નથી. શિંદે અને ફડણવીસ શુક્રવારે વિદાય લઈ રહેલા રાષ્ટ્રપતિ રામનાથ કોવિંદના સન્માનમાં વડાપ્રધાન નરેન્દ્ર મોદી દ્વારા આયોજિત ડિનરમાં ભાગ લેવા દિલ્હી પહોંચ્યા હતા. મહારાષ્ટ્રમાં ભાજપ અને શિંદે બંને કેમ્પના ધારાસભ્યો પણ કેબિનેટ વિસ્તરણની તારીખ જ નહીં, પરંતુ વિભાગોના વિભાજન વિશે પણ અનિશ્ચિત છે.
પાછા આવી શકે છે
શિવસેનાના નેતા અને મહારાષ્ટ્રના પૂર્વ મંત્રી આદિત્ય ઠાકરેએ દાવો કર્યો છે કે રાજ્યમાં મુખ્યમંત્રી એકનાથ શિંદેના નેતૃત્વવાળી સરકાર ગેરબંધારણીય છે અને તે ટૂંક સમયમાં પડી જશે. જણાવી દઈએ કે ઠાકરે આ દિવસોમાં મહારાષ્ટ્રની મુલાકાતે છે જેને શિવ સંવાદ યાત્રા નામ આપવામાં આવ્યું છે. તેમણે કહ્યું કે મહારાષ્ટ્રમાં પૂરની સ્થિતિ છે, પરંતુ સરકાર પાર્ટીના વિસ્તરણમાં લાગી છે. "અમે ફક્ત મહારાષ્ટ્રના લોકોના સંપર્કમાં છીએ અને બળવાખોર ધારાસભ્યો ઇચ્છે તો અમારી પાસે પાછા આવી શકે છે.
