BIG NEWS / શિવસેના ચારેય બાજુથી તૂટી: CM ઉદ્ધવને દૂતે જ દગો દીધો, સુરત શિંદેને મનાવવા આવેલા નેતા જ શિંદે સાથે જોડાઈ ગયા

• શિવસેનાને વધુ એક ઝટકો
• VTV પર ધારાસભ્યો-MLCના લિસ્ટની યાદી
• શિવસેનાના 1 MLC અને 5 ધારાસભ્યો સુરતથી રવાના

એક તરફ મહારાષ્ટ્રના રાજકારણમાં ભૂકંપ સર્જાયો છે એક બાદ એક શિવસેના અને સીએમ ઉદ્ધવ ઠાકરેને આંચકા લાગી રહ્યા છે. ત્યારે હવે સૌથી મોટો ઝટકો શિવસેનાને લાગ્યો છે જેનો ઘટસ્ફોટ VTVએ કર્યો છે. શિવસેનાના વધુ 6 સભ્યો શિંદે જૂથમાં જોડાશે જેના લિસ્ટની એક્સક્લુઝિવ માહિતી વીટીવી પાસે છે.

શિવસેનાના 1 MLC અને 5 ધારાસભ્યો સુરતથી ચાર્ટર પ્લેન દ્વારા ગુવાહાટી જવા રવાના થયા છે. દૂતના રૂપે સુરત આવેલા સંજય રાઠોડ અને રવિન્દ્ર ફાટકે પણ શિવસેના છોડી હોય તેવો અંદેશો મળી રહ્યો છે. ચાર્ટરમાં 6 લોકોનું લિસ્ટ સામે આવ્યું છે જેમાં સંજય રાઠોડ અને રવિન્દ્ર ફાટક પણ ગુવાહાટી જવા રવાના થયા છે જે સ્પષ્ટ સૂચવે છે કે શિવસેનાએ મોકલેલા દૂત પણ હવે એકનાથ શિંદેની પડખે થઈ ગયા છે.હોટેલ લા મેરેડિયનમાંથી 6 સભ્યોને મેરિયેટ હોટેલમાં શિફ્ટ કરાયા હતા. જે બાદ મોડી સાંજે તેમણે ચાર્ટર પ્લેન દ્વારા ગુવાહાટી શિંદે પાસે મોકલી દેવામાં આવ્યા છે.

BIG BREAKING: સુરતથી શિવસેનાના 5 ધારાસભ્યો-1 MLC ગુવાહાટી રવાના

ઉદ્ધવ ઠાકરેના દૂત બની બળવાખોર ધારાસભ્યોને મનાવવા આવેલ ધારાસભ્યોએ જ ઠાકરેને આપ્યો ઝટકો! ગુવાહાટી માટે રવાના#Surat #Shivsena @OfficeofUT pic.twitter.com/8ATGohAHDS

— VTV Gujarati News and Beyond (@VtvGujarati) June 23, 2022

VTV પર ધારાસભ્યો-MLCના લિસ્ટની યાદી

1. રવિન્દ્ર ફાટક
2. સંજય રાઠોડ
3. દાદાજી ભાવશે
4. વિનોદ વાઘ
5. સુનિલ ડેઓરે
6. સચિન જાધવ
7. સોનિયા વર્મા

શિંદેએ ફરી ફેરવી બાજી
આપને જણાવી દઈએ કે જયારે એકનાથ શિંદે બળવો કરી સુરતની હોટલ ધારાસભ્યો સાથે રાતોરાત આવી ગયા હતા. ત્યારે સીએમ ઉદ્ધવ ઠાકરેએ સંજય રાઠોડ અને રવિન્દ્ર ફાટકને એકનાથ શિંદેને મનાવવા મોકલ્યા હતા. જ્યાં મેરિડિયન હોટલમાં તેમની 1 કલાક કરતાં વધુ બેઠક ચાલી રહી હતી. પણ મનાવવા આવેલા દૂતોને શિંદેએ તેમની પડખે કરી લીધા હતા. તે સમયે તો શિંદેની શરતો લઈ સંજય રાઠોડ અને રવિન્દ્ર ફાટક પરત ફર્યા હતા. પણ બાદમાં મોટી સંખ્યામાં બળવો જોતાં તેમણે પણ પડખું ફેરવી લીધું છે. ગુરુવારે સાંજે ગુવાહાટી માટે ઉડાન ભરેલા ચાર્ટર પ્લેનમાં તેઓ પણ ગયા છે. જે સીધો સંકેત આપે છે કે શિવસેના પર ચારેયકોરથી માઠી બેઠી છે.