અદાર પૂનાવાલાની કંપની રાઇઝિંગ સન હોલ્ડિંગ્સ હવે એક ફાઇનાન્સ કંપનીને ખરીદવા જઈ રહી છે અને આ ડીલ 3456 કરોડ રૂપિયામાં થઇ છે.
ભારતીય કંપનીને ફળી મહામારી
3456 કરોડમાં અદાર પૂનાવાલાએ કરી ડીલ
માત્ર 9 દિવસમાં જ રોકાણકારોના પૈસા થઈ ગયા ડબલ
મહત્વનું છે કે ભારતમાં સરકાર દ્વારા કોવીશીલ્ડ રસીને મંજૂરી મળ્યા પછી દુનિયાના સૌથી મોટી વેક્સિન નિર્માતા કંપની અદાર પૂનાવાલા એક જાણીતી હસ્તી બની ગયા છે અને હવે રસીના બિઝનેસથી વધુ આગળ તેમની કંપની મેગ્મા ફિનકોર્પ નામની એક ફાઇનાન્સ કંપનીને ખરીદવા જઈ રહી છે, જેના પછી આ કંપનીમાં હવે પૂનાવાલાની કંપનીનો હિસ્સો 60 ટકા જેટલો થઇ જશે.
9 કારોબારી દિવસોમાં નોંધાયો 100 ટકાનો ઉછાળો
જો કે આ સોદાની ખબરથી મેગ્મા ફિનકોર્પની શેર પ્રાઈઝમાં જોરદાર વધારો નોંધાયો છે અને એક અઠવાડિયામાં જ તે 55 રૂપિયાથી 93 અને એક મહિનામાં 41 રૂપિયાથી 93 સુધીનો થઇ ગયો છે. આ શેર માત્ર 9 કારોબારી દિવસોમાં 100 ટકા જેટલો ઉછાળો નોંધાઈ ચૂક્યો છે. આંકડા પ્રમાણે 25 જાન્યુઆરીએ ફિનકોર્પનો બીએસઈ પર ભાવ 45.10 રૂપિયા હતો જે 11 ફેબ્રુઆરીએ વધીને 93.40 રૂપિયા થઇ ગયો છે, ગુરુવારે પણ કંપનીના શેરમાં 10 ટકાની અપર સર્કિટ લાગી ગઈ છે.
આ શેરમાં છેલ્લા 6 થી 8 મહિનામાં રોકાણકારોને બમ્પર રિટર્ન મળ્યું છે, આ કંપનીના શેરના ભાવ 28 મે 2020ના રોજ માત્ર 13.15 રૂપિયા હતા જો કે એક વર્ષ પહેલા 11 ફેબ્રુઆરી 2020ના રોજ તે 56.15 રૂપિયા જેટલો હતો, જો કે મેગ્મા ફિનકોર્પ કંપનીએ જણાવ્યું કે તેના બોર્ડ ઓફ ડિરેક્ટર્સ દ્વારા આ ડીલને મંજૂરી આપી દેવામાં આવી છે.
અદાર પૂનાવાલા બનશે કંપનીના બોર્ડ ઓફ ડિરેક્ટર્સના ચેરમેન
આ ડીલમાં અદાર પૂનાવાલા ની કંપની 70 રૂપિયા પ્રતિ શેરના ભાવે લગભગ 45.80 કરોડ શેર ખરીદ કરશે, જેના માટે 3456 કરોડ રૂપિયાનું રોકાણ કરવામાં આવશે, પરંતુ આ સોદા પછી કંપનીનું નામ બદલીને પૂનાવાલા ફાઇનાન્સ કરી નાખવામાં આવશે, અને પૂનાવાલા આ કંપનીના બોર્ડ ઓફ ડિરેક્ટર્સના ચેરમેન હશે.
આ કંપનીમાં આ ડીલ પછી અદાર પૂનાવાલાની ભાગીદારી 60 ટકા થઇ જશે, જ્યારે કે વર્તમાન પ્રમોટરની ભાગીદારી ઘટીને 13.3 ટકા સુધી આવી જશે, મહત્વનું છે કે મેગ્મા ફિનકોર્પ એક નોન બેન્કિંગ ફાઇનાન્શિયલ કંપની છે. આ કંપનીનો કારોબાર 21 રાજ્યોમાં ફેલાયયેલો છે અને એનબીએફસી કમર્શિયલ ફાઇનાન્સ, એગ્રો ફાઇનાન્સ, એસએમઈ ફાઇનાન્સ, જનરલ ઈંસ્યોરેન્સ જેવી સર્વિસ આપે છે, 50 લાખ કસ્ટમર્સના બેઝ સાથે આ કંપની 297 શાખાઓ ધરાવે છે અને લોનબુક 15 હજાર કરોડ રૂપિયા જેટલી છે.