હક / કર્મચારીઓને ભડાશ કાઢવાનો હક : મદ્રાસ હાઇકોર્ટે કેમ કહ્યું આવું ? બૅન્ક કર્મીની અરજી પર કરી સુનાવણી

• બેંક કર્મચારીની અરજી પર મદ્રાસ હાઇકોર્ટની સુનાવણી
• મદ્રાસ હાઇકોર્ટે કહ્યું કર્મચારીને પોતાની સંસ્થાની બહાર ગુસ્સો ઠાલવવાનો અધિકાર 
•  બેંક કર્મચારી પર લગાવવામાં આવેલ તમામ આરોપોને ફગાવ્યા

મદ્રાસ હાઇકોર્ટે બેંક કર્મચારીની અરજી પર ગત 10 ઓગસ્ટના રોજ સુનાવણી હાથ ધરી હતી. જેમાં મદ્રાસ હાઇકોર્ટે જણાવ્યું હતું કે કર્મચારી પોતાની સંસ્થાની બહાર ગુસ્સો ઠાલવવાનો અધિકાર ધરાવે છે. મદ્રાસ હાઇકોર્ટે આ નિવેદન આપી બેંક કર્મચારી પર લગાવવામાં આવેલ તમામ આરોપોને ફગાવ્યા હતા. આ મામલાની જસ્ટિસ જી.આર. સ્વામીનાથને સુનવણી કરી હતી.

સુનવણી દરમિયાન કોર્ટે જણાવ્યું હતું કે...
સમગ્ર કેસની વાત કરવામાં આવે તો તમિલનાડુના તૂતીકોરીનમાં બેંકની એક શાખાના કર્મચારી લક્ષ્મીનારાયણએ whatsapp મારફતે પોતાની બેંકના મેનેજમેન્ટ પર ટિપ્પણી કરતી પોસ્ટ મૂકી હતી. બાદમાં બેંકના કર્મચારીને બેંક દ્વારા નોટિસ પણ આપવામાં આવી હતી અને આ નોટિસને પગલે તે હાઇકોર્ટમાં પહોંચ્યા હતા. બાદમાં કેસ ચાલી જતા સુનાવણી હાથ ધરવામાં આવી હતી. જેમાં કોર્ટે કંપની દ્વારા અપાયેલી નોટિસને ઠુકરાવી દીધી છે. સુનવણી દરમિયાન કોર્ટે જણાવ્યું હતું કે કોઈપણ કર્મચારીને તેની કંપની વિરુદ્ધ ફરિયાદો હોય એ આમ બાબત છે અને આ ફરિયાદો અંગે તે કર્મચારી કંપની બહાર કોઈપણ પ્લેટફોર્મ થકી પોતાની અભીવ્યક્તિ કરવાનો અધિકાર ધરાવે છે. 

આ બાબત ગંભીરતાથી લેવાની જરૂર નથી
પરંતુ કર્મચારીની ટિપ્પણીથી કંપનીની છબી ખરાબ થાય તો મેનેજમેન્ટ કાર્યવાહી કરી શકે છે. સુનાણીમાં કોર્ટે એવું પણ કહ્યું કે whatsapp પર કોઈને મેસેજ કરવાથી કંપનીના નિયમનું ઉલ્લંઘન થતું નથી અને કર્મચારી કંપનીની બહાર કંપની વિશે કોઈ પણ ટિપ્પણી કરે તો કંપનીએ આ બાબત ગંભીરતાથી લેવાની જરૂર નથી.