રાજકારણ / જેનાથી મોત પણ દૂર ભાગે હું..: મધુ શ્રીવાસ્તવે નામ લીધા વિના જુઓ કયા ઉમેદવાર પર કર્યા પ્રહાર

• મધુ શ્રીવાસ્તવ પર ધર્મેન્દ્રસિંહના નિવેદનનો મામલો 
• મધુ શ્રીવાસ્તવે શાયરાના અંદાજમાં આપ્યો જવાબ 
• શાયરી ગાતો વીડિયો સોશિયલ મીડિયામાં વાયરલ

ગુજરાત વિધાનસભા ચૂંટણીની મતદાનની તારીખો જેમ જેમ નજીક આવી રહી છે તેમ તેમ રાજકીય માહોલ ગરમાતો જોવા મળી રહ્યો છે. આક્ષેપ અને નિવેદનબાજીઓ તેમજ પક્ષ પલટાના પવનો ફૂંકાઈ રહ્યાં છે. આ બધાની વચ્ચે વાઘોડિયાના અપક્ષ ઉમેદવાર અને દબંગ ધારાસભ્યની છાપ ધરાવતા મધુ શ્રીવાસ્તવનો એક વીડિયો વાયરલ થયો છે. જેમાં તેઓએ ધર્મેન્દ્રસિંહને શાયરાના અંદાજમાં જવાબ આપ્યો છે.

મધુ શ્રીવાસ્તવે આપ્યો જવાબ 
વાઘોડિયાના અપક્ષ ઉમેદવાર મધુ શ્રીવાસ્તવે મંચ પરથી માઇકમાં કહ્યું કે, 'मैं वो इंसान हूं जिसे समुद्र की लहरे भी दूर-दूर भागती है, मैं वो इंसान हूँ जिसे मौत भी दूर-दूर भागती है। मौत की पुरजोर आंधी फिर जमीन से टकराईगी, वो वो टूट करके मारक खाख में मिल जाएगी' મધુ શ્રીવાસ્તવનો આ વીડિયો સોશિયલ મીડિયામાં વાયરલ થયો છે. 

નામ લીધા વિના મધુ શ્રીવાસ્તવ પર સાધ્યું હતું નિશાન 
આપને જણાવી દઈએ કે, મધુ શ્રીવાસ્તવના 'ગોળી મારવાવાળા' નિવેદન પર વાઘોડિયાના અપક્ષ ઉમેદવાર ધર્મેન્દ્રસિંહ વાઘેલાએ નામ લીધા વિના મધુ શ્રીવાસ્તવ પર નિશાન સાધ્યું હતું.  તેઓએ કહ્યું હતું કે, 'ગોળી મારી દઈશ એવું કહેવાવાળાની 72 વર્ષની ઉંમર છે. દરબારને ગોળી મારવાનું કહેવાય નહીં, તે સામે ગોળી મારે.' જોકે, બીજા દિવસે ધર્મેન્દ્રસિંહે નિવેદન બદલી નાખ્યું હતું. બીજા દિવસે બંદૂકને બદલે ચોકલેટની ગોળી મારવાનું કહ્યું હતું.

શું હતો સમગ્ર મામલો? 
વાઘોડિયાની બેઠક ઉપર ભાજપામાંથી અશ્વિન પટેલ, કોંગ્રેસમાંથી સત્યજીતસિંહ ગાયકવાડ, અપક્ષ તરીકે ધર્મેન્દ્રસિંહ વાઘેલા અને ભાજપાએ ટિકિટ ન આપતા બળવો કરી ચૂંટણી લડી રહેલા મધુ શ્રીવાસ્તવ ચૂંટણી લડી રહ્યા છે. આ ઉપરાંત આમ આદમી પાર્ટીમાંથી ગૌતમ રાજપૂત ચૂંટણી મેદાનમાં છે. અપક્ષમાંથી ફોર્મ ભરતી વખતે મધુ શ્રીવાસ્તવે કહ્યું હતું કે, મારા કાર્યકરને કોઈનાથી ડરવાની જરૂર નથી. હું હજી પણ બાહુબલી છું. મારા કાર્યકરનો કોઈ કોલર પકડશે તો ઘરમાં જઈ ગોળી મારી દઈશ.