ખુશખબર / લૉકડાઉનમાં આટલા રૂપિયા સસ્તો થયો રસોઈ ગેસનો સિલિન્ડર, તરત જ ચેક કરી લો કિંમત

• લૉકડાઉનમાં મળી રાહત
• રસોઈ ગેસ સિલિન્ડરના ભાવમાં આવ્યો ઘટાડો
• 162.50 રૂપિયા સસ્તો થયો સિલિન્ડર

દેશવ્યાપી લોકડાઉન વચ્ચે મેના પ્રથમ દિવસે, સામાન્ય લોકો માટે ખુશખબર છે. દેશની ઓઇલ માર્કેટિંગ કંપનીઓ (HPCL,BPCL, IOC) એ બિન સબસિડીવાળા એલપીજી સિલિન્ડર (એલપીજી ગેસ સિલિન્ડર) ની કિંમતમાં ઘટાડો કરવાની જાહેરાત કરી છે. દિલ્હીમાં 14.2 કિલો બિન સબસિડીવાળા એલપીજી સિલિન્ડરની કિંમત 162.5 રૂપિયા પ્રતિ સિલિન્ડર ઘટાડવામાં આવી છે. હવે નવા ભાવ 581.50 રૂપિયા પર આવી ગયા છે. તે જ સમયે, 19 કિલો સિલિન્ડરની કિંમત 256 રૂપિયા ઘટાડીને 1029.50 કરવામાં આવી છે.

આ છે આજથી લાગૂ થયેલા નવા ભાવ

IOCની વેબસાઇટ પર અપાયેલા ભાવ અનુસાર, હવે દિલ્હીમાં 14.2 કિલો નોન સબસિડીવાળા એલપીજી સિલિન્ડરનો ભાવ રૂપિયા 744 થી ઘટીને 581 રૂપિયા પર આવી ગયો છે.

કોલકાતામાં રૂ. 584.50 રૂપિયા, મુંબઇમાં 579. ૦૦ અને ચેન્નાઇમાં રૂ. 569.50 છે. જે પહેલાં અનુક્રમે રૂ. 774.50,  રૂ. 714.50 અને 761.50 રૂપિયા હતા. 

19 કિલોગ્રામ રસોઈ ગેસ થયો આટલો સસ્તો

19 કિલોગ્રામ રસોઈ ગેસના સિલિન્ડરના ભાવ પણ ઘટાડવામાં આવ્યા છે, જે 1 મેથી અમલમાં આવ્યા છે. દિલ્હીમાં 19 કિલો એલપીજી સિલિન્ડર 256 રૂપિયામાં સસ્તો થયો છે. અગાઉ ગેસ સિલિન્ડરની કિંમત 1285.50 રૂપિયા હતી, જે 1 મેથી ઘટીને 1029.50 પર આવી છે.

તેના ભાવ કોલકાતામાં 1086.00 રૂપિયા, મુંબઇમાં 978.00 રૂપિયા અને ચેન્નઇમાં 1144.50 રૂપિયા પર આવી ગયા છે.

સતત 38 મા દિવસે પણ નથી બદલાયા પેટ્રોલ ડીઝલના ભાવ

આજે લોકડાઉનના 38 માં દિવસે પેટ્રોલ અને ડીઝલની કિંમતમાં કોઈ ફેરફાર કરવામાં આવ્યો નથી. લોકડાઉનને કારણે દેશમાં આવનજાવન બંધ છે અને પેટ્રોલ અને ડીઝલની માંગમાં ઘટાડો થયો છે. આઇઓસીએલ વેબસાઇટ અનુસાર, દિલ્હીમાં એક લિટર પેટ્રોલની કિંમત 69.59 રૂપિયા છે અને ડીઝલની કિંમત પ્રતિ લિટર 62.29 રૂપિયા છે.