કરૂણા / આને કે'વાય સાચી વફાદારી! માલિકના મોત બાદ શ્વાને કર્યું એવું કે જાણીને ભાવૂક થઈ જશો

• તુર્કીથી પાલતુ શ્વાનની એક તસ્વીર સામે આવતા લોકો થયા ભાવુક
• માલિકની મોત થયા બાદ પાલતુ શ્વાન કબર પર ઉદાસ થઇ ગયો
• માલિકનું મોત થતાં શ્વાને ખાવા-પીવાનુ બંધ કરી દીધુ

ઓમર પશુ પ્રેમી તરીકે ઓળખાતા હતા

એક રિપોર્ટ મુજબ, ઉત્તર તુર્કીના કાયમાકલી જિલ્લામાં રહેતા ઓમર ગુવેને આશરે 12 વર્ષ પહેલાં પોતાની પત્નીને ગુમાવી દીધી હતી. ત્યારબાદ તેણે રખડતી બિલાડી અને શ્વાનની સારસંભાળ કરવાનું શરૂ કરી દીધુ હતુ. તેમને આ વિસ્તારમાં એક પશુ પ્રેમી તરીકે ઓળખવામાં આવતા હતા. ઓમરે 11 વર્ષ પહેલાં એક જર્મન શેફર્ડ શ્વાનની દેખરેખ શરૂ કરી દીધી હતી. જેનું નામ ફેરો રાખવામાં આવ્યું હતુ. આટલા લાંબા સમય સાથે રહ્યાં બાદ બંને વચ્ચે ઘનિષ્ઠ મિત્રતા થઇ ગઇ. પરંતુ આ દરમ્યાન 29 ઓક્ટોબરે ઓમર બિમાર થયા અને તેને હોસ્પિટલમાં દાખલ કરાયા. જ્યાં 92 વર્ષની ઉંમરે તેમનુ નિધન થયુ.

વફાદાર શ્વાન માલિકની જોતો હતો રાહ

ઓમરના શબને જ્યારે તાબૂતમાં રાખવામાં આવ્યું તો તેનો વફાદાર કૂતરો તાબૂતની પાસે ઉભો થઇને તેની દેખરેખ રાખી રહ્યો હતો. તેના શબને દફનાવ્યાં બાદ પણ ઓમર કબર પાસે બેસી ગયો હતો. રિપોર્ટ મુજબ, જ્યારે દરેક લોકો પોતપોતાના ઘરે પરત ફર્યા ત્યારે પણ ફેરો કબ્રની પાસે જ હતો. ફેરો ક્યારેક પોતાનું માથુ માટીમાં ફેરવતો હતો તો ક્યારેક રાહ જોતો હતો કે ક્યારે ઓમર પાછો આવે.

ઓમર ફેરોને ખૂબ પ્રેમ કરતો હતો

ઓમરની દીકરી સેવિયલ સુરૂલે કહ્યું, મારા પિતા ફેરોને ખૂબ પ્રેમ કરતા હતા. મારા પિતાના નિધન બાદ ફેરો ખૂબ દુ:ખી થઇ ગયો હતો. સુરૂલે વધુમાં જણાવ્યું, તેણે બે દિવસ સુધી કશું ખાધુ પીધુ ન હતુ. મારા પિતાનું ફેરો સાથે એક અતૂટ બંધન હતુ.