- ઉત્તરાખંડમાંથી વિચિત્ર કિસ્સો સામે આવ્યો
- પબજીમાં દોસ્તી થઈ અને યુવકોને મળવા બોલાવ્યા
- બંને યુવકોને એક જગ્યાએ એક જ સમયે મળવા બોલાવ્યા
ફેસબુક, ઈંસ્ટા અને વોટ્સએપ પર પહેલા દોસ્તી અને બાદમાં પ્રેમના કિસ્સા તો તમે ઘણા સાંભળ્યા હશે, જોયા હશે, પણ હવે લવ સ્ટોરી પબજી રમતા રમતા પણ થઈ બની જતી હોય છે. આવો જ એક કિસ્સો ઉત્તરાખંડના હલ્દાનીમાંથી સામે આવ્યો છે. અહીં રાજસ્થાન અને યુપીના મુરાદાબાદમાંથી પ્રેમિકાને મળવા આવેલા બે યુવકો હોબાળો મચાવ્યો હતો. બાદમાં ખબર પડી કે, બંને છોકરાઓ સાથે એક જ છોકરી ગેમ રમી રહી હતી. માહિતી મળતા પોલીસ બંને યુવકોને સ્ટેશને લઈ ગઈ હતી. જ્યાં તેમના વિરુદ્ધ શાંતિભંગની કાર્યવાહી કરવામા આવી હતી. પોલીસના જણાવ્યા અનુસાર ભોટિયા પડાવ વિસ્તારમાં રહેતી એક યુવતી ઓનલાઈન ગેમ પબજી રમવાની શોખિન હતી.
એક છોકરી બે છોકરા સાથે ગેમ રમતી, મીઠી મીઠી વાતો કરતી
લગભગ બે વર્ષ પહેલા ઓનલાઈન ગેમ રમવાના શોખ દરમિયાન તેમની દોસ્તી રાજસ્થાનના એક યુવક સાથે થઈ, ત્યારથી બંને એક સાથે પબજી રમતા હતા. આ દરમિયાન બંનેએ એકબીજાને મોબાઈલ નંબર પણ શેર કર્યા અને ફોન પર વાત કરવાનુ શરૂ થયું. બંને પ્રેમમાં એટલા પાગલ થઈ ગયા કે, બંનેએ મળવાનું નક્કી કર્યું. આ ઘટનાની વચ્ચે એક મહિના પહેલા ઓનલાઈન ગેમ દરમિયાન યુવતીને મુરાદાબાદ નિવાસી અન્ય એક યુવક સાથે દોસ્તી થઈ. અહીં પણ બંને વચ્ચે પ્રેમ થયો. યુવતીએ મુરાદાબાદ નિવાસી યુવકને પણ મળવા માટે હલ્દાની બોલાવ્યો હતો. શુક્રવારે બંને એક સાથે યુવતીને મળવા મલ્લા ગોરખપુર હલ્દ્વાની પહોંચ્યા હતા.
બંને યુવકોને એક સાથે એક જ જગ્યાએ મળવા બોલાવ્યા
અહીં પહોંચતા જ બંને યુવકોએ આ મારી છે, નહીં મારી છે, કહી ને ઝઘડવા લાગ્યા હતા. હોબાળો થતાં કોઈએ પોલીસને જાણ કરી. પોલીસ બંનેને પકડીને સ્ટેશને લઈ ગઈ હતી. પોલીસ પૂછપરછમાં સમગ્ર મામલો સામે આવ્યો. પોલીસે જણાવ્યું હતું કે, બંને વિરુદ્ધ શાંતિભંગની ફરિયાદ નોંધી કાર્યવાહી કરવામા આવી છે.
યુવતીએ પણ લાફો મારી દીધો
યુવતીએ બંને યુવકોને એક સાથે શા માટે બોલાવ્યા, તે કોઈને પણ સમજાતું નથી. કહેવાય છે કે, મલ્લા ગોરખપુરમાં હોબાળો થયો ત્યારે યુવતી પણ ત્યાં હાજર હતી, તેણે બંને યુવકોને ઝઘડો કરતા જોઈ રાજસ્થાનના યુવકને લાફો મારી દીધો હતો.
બંને પ્રોફેશનલ ખેલાડી
પબજી ગેમ રમવામાં આ બંને યુવકો પ્રોફેશનલ લેવલના ખેલાડી છે. બંનેની ગેમ જોઈને યુવતી તેમના તરફ આકર્ષાઈ હતી. બંને સાથે ગેમ રમવાની સાથે સાથે મીઠી મીઠી વાતો પણ કરતી હતી. બંને યુવકો યુવતીને પોતાની પ્રેમિકા સમજી તેમના મળવા પહોંચ્યા હતા.
