વાહ / કોરોનાના કહેર વચ્ચે ઘરે પહોંચેલો મજૂર આ રીતે રાતોરાત બન્યો કરોડપતિ

• દુનિયામાં કોરોનાનો કહેર યથાવત
• પશ્ચિમ બંગાળના એક શખ્સને ફળ્યો કોરોના 
• લોટરી ટિકિટમાં જીત્યો એક કરોડનું ઇનામ 

ઉલ્લેખનીય છે કે, 1000-1500 રૂપિયા કમાતા મજૂરનું જીવન અચાનક બદલાઈ ગયું. કોરોના વાયરસથી બચવા માટે, પશ્ચિમ બંગાળનો એક યુવાન કેરળથી તેના ગામ પહોંચ્યો, તેને જાણ થઈ કે તેની લોટરી લાગી છે અને તે કરોડપતિ બની ગયો છે. આ બાબત વિશે જાણીને પહેલા તો તેને વિશ્વાસ થતો નહોંતો. 

કોરોનાથી વતનમાં પરત ફરેલો યુવાન જીત્યો એક કરોડ 

કોરોનાના ભય વચ્ચે, જ્યારે ઇઝારુલ શેખ પાછો તેના ગામમાં પરત ફર્યો, ત્યારે તેને આજીવિકાની મોટી સમસ્યા હતી. આ મુશ્કેલ સમયમાં, તેણે પોતાનું નસીબ અજમાવ્યું અને લોટરીની ટિકિટ ખરીદી. જેણે તેનું જીવન બદલી નાખ્યું. ઇઝારુલ હવે આ ટિકિટના કારણે એક કરોડ રૂપિયા જીત્યો છે.

ઇઝારૂલે સપને પણ વિચાર્યું નહોંતું તે કરોડપતિ બનશે 

ઇઝારુલ શેખ કેરળમાં કામ કરતો હતો, જ્યારે રાજ્યમાં કોરોના કેસ વધવા લાગતા હજારો કામદારો તેમના ઘરે પાછા ફરવા લાગ્યા. ઇઝારુલ પણ તે પૈકીનો એક હતો. તે પોતના ગામ પહોંચી ગયો. પરંતુ તે પહેલાં તેણે લોટરીની ટિકિટ લીધી હતી. ઇઝારુલ શેખ કહે છે કે તેણે કદી સ્વપ્ન પણ નથી જોયું કે તે એક દિવસ કરોડપતિ બનશે.

એક કરોડ રૂપિયામાંથી પોતાનું એક મકાન બનાવશે ઇઝારૂલ શેખ 

ઇઝારુલ શેખના પરિવારમાં માબાપ, પત્ની અને એક પુત્રી છે. પિતા રિક્ષા ચલાવે છે અને ઇઝારુલ કેરળમાં મજૂરી કરીને પરિવાર ચલાવે છે. આ પૈસાથી, તે પોતાના માટે એક મકાન બનાવશે અને માતાપિતાની સેવા સાથે તેમના બાળકોના શિક્ષણ માટે પૈસા જમા કરશે.