જડબેસલાક બંદોબસ્ત અને શાંતિપૂર્ણ માહોલમાં યોજાઇ લોકરક્ષક દળની પરીક્ષા

વડોદરા: રાજ્યભરમાં લોકરક્ષક દળની પરીક્ષા યોજાઈ હતી. રાજ્યના તમામ જિલ્લાઓમાં LRDની પરીક્ષા યોજાઈ. આ પરિક્ષામાં ઉમેદવારોને સેન્ટર સુધી લઈ જવા માટે પણ વ્યવસ્થા ગોઠવવામાં આવી હતી. લોકરક્ષક દળની 9 હજાર 713 જગ્યા માટે આઠ લાખ જેટલા ઉમેદવારોએ પરીક્ષા આપી હતી. 

રાજ્યની 2 હજાર 440 શાળા અને કોલેજોમાં  કેન્દ્રોમાં પરિક્ષાનુ આયોજન કરવામાં આવ્યું. LRDની પરીક્ષા માટે 29 હજાર 200 રૂમ ફાળવવામાં આવ્યા હતા. પરીક્ષારૂમની આસપાસ હથિયારધારી ગાર્ડ પણ તૈનાત કરાયા હતા. તમામ સેન્ટરો પર CCTV કેમેરાથી મોનિટરિંગ કરવામાં આવ્યું હતું. અમદાવાદ કંટ્રોલ રૂમથી પોલીસ પરીક્ષા કેન્દ્ર પર નજર રાખવામા આવી. દરેક પ્રકારની ગતિવિધી પર પોલીસ દ્વારા ચાંપતી નજર રાખવામાં આવી.

કેમ ફરીવાર યોજાઇ  લોકરક્ષક દળની પરીક્ષા..?
આપને જણાવી દઇએ કે 6 189 ખાલી જગ્યાઓ માટે ભરતી કરવા માટે પરીક્ષાનું આયોજન કરવામાં આવેલ જેમાં ભરતી પરીક્ષા માટે કુલ 8.76 લાખ ઉમેદવારોએ ફોર્મ ભર્યા હતા અને ત્યારબાદ પરીક્ષા યોજાયાના થોડા જ સમયમાં પેપર લીક થયું હોવાના સમાચારથી ખળભળાટ મચી જવા પામ્યો હતો. જો કે પેપર લીક થયાં બાદ પરીક્ષા બોર્ડ દ્વારા ફરીવાર પરીક્ષા યોજવાની જાહેરાત કરવામાં આવી હતી.

કડક બંદોબસ્ત વચ્ચે રાજ્યભરમાં યોજાઇ પરીક્ષા
રાજ્યની 2 હજાર 440 શાળા અને કૉલેજોમાં પરીક્ષા કેન્દ્રો ફાળવાયા છે. એટલું જ નહીં LRDની પરીક્ષા માટે 29 હજાર 200 રૂમ ફાળવવામાં આવ્યા છે. લોકરક્ષક દળની પરીક્ષાને પગલે કોઇ અનિચ્છનીય બનાવ ના બને તે માટે આજરોજ સવારથી જ ચાંપતો બંદોબસ્ત પરીક્ષા કેન્દ્રો પર ગોઠવી દેવામાં આવ્યો હતો. આ સાથે જ અમદાવાદ ખાતે તૈયાર કરવામાં આવેલ ખાસ કંટ્રોલ રૂમ દ્વારા સમગ્ર રાજ્યમાં યોજાયેલ પરીક્ષા કેન્દ્રો પર નજર રાખવામાં આવી હતી. 

શાંતિપૂર્ણ રીતે યોજાઇ પરીક્ષા
સવારે 11થી12 યોજાયેલ લોકરક્ષક દળની પરીક્ષા એકદમ શાંતિપૂર્ણ માહોલમાં યોજાઇ હતી. પરીક્ષા આપીને કેન્દ્ર પરથી બહાર આવતા ઉમેદવારોના ચહેરા પર ખુશીનો માહોલ જોવા મળ્યો હતો. આ સાથે જ કોઇ અનિચ્છીનીય બનાવ નહીં બનતા સ્થાનિક પોલીસ તથા તંત્ર દ્વારા પણ રાહતનો શ્વાસ લેવામાં આવ્યો હતો.