LRDની 10459 જગ્યાઓ માટે ભરતી પ્રક્રિયાના ફોર્મ ભરવા માટે ગણતરીના દિવસો બાકી, ડિસેમ્બરની શરૂઆતથી દોડ પણ શરૂ
દિવાળીની રજામાં થશે ઓનલાઇન અરજી
LRDના ઉમેદવારો કરી શકશે અરજી
IPS હસમુખ પટેલે ટ્વીટ કરી આપી માહિતી
LRDની ભરતીને લઇને મહત્વના સમાચાર મળી રહ્યા છે. ગુજરાત સરકારના મોટા ભાગમાં દિવાળીની રજાઑમાં કામ બંધ રહે છે પણ લાંબા સમય બાદ બહાર પડેલી પોલીસ ભરતી અને 100 દીવસમાં પૂર્ણ કરવાનો ટાર્ગેટ હોવાના કારણે દિવાળીની રજાઓમાં પણ ઓનલાઇન અરજી થઈ શકશે. જેની જાણકારી IPS હસમુખ પટેલે ટ્વિટ કરી આપી છે.
દિવાળીની રજાઓમાં પણ લોકરક્ષક ભરતીની ઓનલાઇન અરજી થઈ શકશે. ઉમેદવારોને છેલ્લી ઘડી સુધી રાહ ન જોવા સલાહ છે.
જે ઉમેદવારોની અરજી confirm કરવાની બાકી છે તેઓ ઝડપથી કરી લે. છેલ્લી તારીખ સુધી રાહ ન જુએ તેવી અપીલ લોક રક્ષક દળના અધ્યક્ષ હસમુખ પટેલ દ્વારા કરવામાં આવી છે.
ડિસેમ્બરના પ્રથમ દસ દિવસમાં શરૂ થશે ભરતીની કસોટી
ભરતીની શારીરિક કસોટી ડિસેમ્બરના પ્રથમ દસ દિવસમાં શરૂ થશે.શરૂઆત પો.સ.ઇ ઉમેદવારથી થશે. 20 - 25 દિવસમાં પો.સ.ઇની કસોટી તથા 50 - 60 દિવસમાં પો.સ.ઇ તથા લોક રક્ષક બંનેની શારીરિક કસોટી પૂરી થવાની સંભાવના છે. ઉમેદવારો તૈયારીમાં લાગ્યા રહશે.જેમણે પોલીસ સબ ઈન્સ્પેકટરનું ફોર્મ ભરેલું હોય - પો.સ.ઇનું એકલાનું અથવા પો.સ.ઇ અને લોક રક્ષક બંનેનું- તેમને શરૂઆતમાં શારીરિક કસોટી માટે બોલાવવામાં આવશે.
ભરતીને લઈ કોઈ સમસ્યા હોય તો નીચેના નંબર પર કોલ કરી શકાય
લોકરક્ષક ભરતીના ઉમેદવારોના પ્રશ્નો અંગે ભરતી બોર્ડની ઓફિસ ખાતે ત્રણ દિવસ માટે વધારાની હેલ્પલાઇન શરૂ કરવામાં આવી છે. શનિ રવિ-સોમ, ત્રણ દિવસ માટે
સમય સવારે 10 30 થી સાંજે 06:00 સુધી નીચે જણાવેલ નંબર પર કોલ કરી LRD ભરતીમાં કોઈ પ્રશ્ન મુંઝવતો હોય તો ફોન કરી શકાશે
ટેલીફોન નંબર:
9104654216
8401154217
7041454218
LRDની 10459 જગ્યાઓ માટે ભરતી પ્રક્રિયા શરૂ
ભરતી બોર્ડના અધ્યક્ષ IPS હસમુખ પટેલે આ અંગે માહિતી આપી છે. ઉમેદવાર OJAS વેબસાઇટ પર ફોર્મ ભરી શકશે. LRDની 10459 જગ્યાઓ માટે ભરતી પ્રક્રિયા શરૂ કરી દેવાઈ છે. જેમાં 8476 પુરૂષ અને 1983 મહિલા ઉમેદવારો માટે ભરતી પ્રક્રિયા શરૂ થઇ ચૂકી છે. આજથી 9 નવેમ્બર સુધી ઉમેદવાર અરજી કરી શકશે. વેબસાઇટ https://ojas.gujarat.gov.in પર અરજી થઇ શકશે.