લોકસભા ચૂંટણી 2019નું સાત તબક્કાનું મતદાન આખરે પૂર્ણ થઇ ગયું છે. ત્યારે આજે અંતિમ તબક્કાનું મતદાન હતું. જે પૂર્ણ થઇ ગયું છે. તમને જણાવી દઇએ કે લોકસભા ચૂંટણી 2019નું મતદાન સાત તબક્કામાં યોજાવાનું હતું. જેમાં 11 એપ્રિલથી પ્રથમ તબક્કાનું મતદાન શરૂ થયું હતું. આ મતદાન કુલ સાત તબક્કામાં યોજાયું. ત્યારે હવે 23 મેનાં રોજ મતદાન ગણતરી દ્વારા લોકસભા ચૂંટણીનું પરિણામ જાહેર કરવામાં આવશે. જેમાં નક્કી થશે કે આખરે આ દેશનો તાજ કોના સિરે જવાનો છે.
જો કે હવે એગ્ઝિટ પોલનાં આંકડાઓ પણ રજૂ થઇ ગયાં છે. જેમાં અલગ-અલગ રાજ્યોમાં કોને કેટલી સીટો મળશે તેને લઇને આંકડાઓ રજૂ થઇ ગયા છે. જેમાં એગ્ઝિટ પોલમાં રજૂ કરાયેલા આંકડાઓ મુજબ કયા રાજ્યમાં કોણે કેટલી સીટો મળશે એટલે કે ભાજપને બહુમતી મળશે કે કેમ ઉપરાંત કોંગ્રેસને કેટલી સીટો મળવા જઇ રહી છે તેના અનુમાનિત આંકડા બહાર આવ્યાં હતાં.
અહીં કેટલાંક એવાં પ્રશ્નો પણ મનમાં થતા હશે કે શું મોદી સરકાર ફરી વાર સત્તા પર આવશે કે નહીં, કે પછી આ વખતે સત્તા પર કોંગ્રેસ ડંકો વગાડશે જેવાં અનેક પ્રશ્નોનું અનુમાન આ આંકડાઓ મુજબ લગાવી શકાય છે. ત્યારે અહીં નીચે મુજબ આ આંકડાઓ દર્શાવવામાં આવેલ છે. જેમાં ગુજરાત, રાજસ્થાન, મહારાષ્ટ્ર અને ઉત્તરપ્રદેશમાં કયા પક્ષને કેટલી સીટો મળશે તે નીચે મુજબ છે.
ગુજરાતઃ
C-Voterનાં દર્શાવેલ આંકડાઓ મુજબ જો ગુજરાત રાજ્યની વાત કરીએ તો ગુજરાતમાં કુલ 26 બેઠકોમાંથી ભાજપને 22 અને કોંગ્રેસને 4 બેઠકો મળી શકે એમ છે.
India Today મુજબ ભાજપને 25થી 26 બેઠકો મળશે અને કોંગ્રેસને 0 અથવા તો 1 સીટ મળી શકે તેવી સંભાવના.
Chintamani મુજબ જોઇએ તો ભાજપને 26 બેઠકો મળશે જ્યારે કોંગ્રેસને એક પણ સીટ નહીં મળે તેવી શક્યતા.
ઉત્તર પ્રદેશઃ
C-Voterનાં આંકડાઓ મુજબ ઉત્તરપ્રદેશમાં 80 બેઠકોમાંથી ભાજપને 38 બેઠકો, કોંગ્રેસને 2 બેઠક અને બસપા-સપાને ફાળે 40 બેઠકો જાય તેવી શક્યતા.
Chintamani મુજબ ભાજપને 55, કોંગ્રેસને 1 બેઠક અને બસપા-સપાને ફાળે 23 બેઠકો આવે તેવી શક્યતા.
Republic TV-C Voter મુજબ ભાજપને 38, કોંગ્રેસને 2 બેઠક અને બસપા-સપાને ફાળે 40 બેઠકો આવે તેવી શક્યતા.
Times Now-VMR મુજબ ભાજપને 58, કોંગ્રેસને 2 બેઠક અને બસપા-સપાને ફાળે 20 બેઠકો આવે તેવી શક્યતા.
Republic - Jan Ki Baat મુજબ ભાજપને 46-57, કોંગ્રેસને 2-4 બેઠક અને બસપા-સપાને ફાળે 21-32 બેઠકો આવે તેવી શક્યતા.
ABP-AC Nielsen મુજબ ભાજપને 22, કોંગ્રેસને 2 બેઠક અને બસપા-સપાને ફાળે 56 બેઠકો આવે તેવી શક્યતા.
મહારાષ્ટ્રઃ
C-Voterનાં આંકડાઓ મુજબ મહારાષ્ટ્રમાં કુલ 48 બેઠકોમાંથી ભાજપને 38થી 42 બેઠકો, કોંગ્રેસને 6થી 10 બેઠકો મળવાની શક્યતા.
રાજસ્થાનઃ
Times Now-VMRનાં અનુસાર રાજસ્થાનમાં કુલ 25 સીટોમાંથી 20 ભાજપને અને કોંગ્રેસને 5 સીટો મળવાની શક્યતા.
ABP-AC Nielsen અનુસાર ભાજપને 19 અને કોંગ્રેસને 6 સીટો મળવાની શક્યતા.
News 24-Chanakya અનુસાર ભાજપને કુલ 25એ 25 બેઠકો મળવાની શક્યતા.
India TV-CNX અનુસાર કુલ 25 સીટોમાંથી 21 ભાજપને અને કોંગ્રેસને 4 સીટો મળવાની શક્યતા.
મધ્યપ્રદેશઃ
C-Voterનાં આંકડાઓ મુજબ મધ્યપ્રદેશમાં કુલ 29 બેઠકોમાંથી ભાજપને 26થી 28 બેઠકો અને કોંગ્રેસને 1થી3 સીટે મળી શકે તેમ છે.
Times Now-VMRનાં આંકડાઓ મુજબ ભાજપને 24 બેઠકો અને કોંગ્રેસને ફાળે 5 સીટો જાય તેવી શક્યતા.
News 24-Chanakya મુજબ ભાજપને 27 બેઠકો અને કોંગ્રેસને ફાળે 2 સીટો જાય તેવી શક્યતા.
ABP-AC Nielsen મુજબ ભાજપને 24 બેઠકો અને કોંગ્રેસને ફાળે 5 સીટો આવે તેવી શક્યતા.
છત્તીસગઢઃ
C-Voterનાં આંકડાઓ મુજબ છત્તીસગઢમાં કુલ 11 બેઠકોમાંથી ભાજપને 7થી 8 બેઠકો અને કોંગ્રેસને 3થી 4 બેઠકો મળે તેવી શક્યતા.
તમામ ચેનલ અને એજન્સીઓનાં એગ્ઝિટ પોલને ધ્યાને રાખતા 2019ની લોકસભા ચૂંટણીમાં એકવાર ફરીથી એનડીએની સરકાર બનતી દેખાઇ રહી છે. જ્યારે મમતાનાં ગઢની વાત કરીએ ત્યારે પશ્ચિમ બંગાળમાં એગ્ઝિટ પોલમાં બીજેપીને શાનદાર સફળતા મળતી દેખાઇ રહી છે. ગઇ ચૂંટણીમાં માત્ર 2 સીટ પર જ સમેટાઇ જનાર બીજેપીને આ વખતે સૌથી વધારે એગ્ઝિટ પોલમાં 15થી 18ની વચ્ચે સીટો આપવામાં આવી રહી છે. આને પશ્ચિમ બંગાળમાં બીજેપીની મોટી સફળતાની રીતે પણ જોઇ શકાય છે.
પશ્ચિમ બંગાળઃ
Republic TV - C Voter અનુસાર પશ્ચિમ બંગાળમાં એનડીએને 18થી26 સીટો, ટીએમસીને 13થી 21 સીટો, યૂપીએને 3 સીટો મળે તેવી સંભાવના.
Times Now-VMRનાં સર્વે અનુસાર ભાજપને 11, કોંગ્રેસને 2 અને ટીએમસીને 28 સીટો મળે તેમ છે.
ABP-AC Nielsen અનુસાર ભાજપને 16 અને કોંગ્રેસને 2 સીટો મળવાની શક્યતા.
I don’t trust Exit Poll gossip. The game plan is to manipulate or replace thousands of EVMs through this gossip. I appeal to all Opposition parties to be united, strong and bold. We will fight this battle together
પશ્ચિમ બંગાળનાં મુખ્યમંત્રી મમતા બેનર્જીએ એગ્ઝિટ પોલનાં આંકડાઓને ધ્યાને રાખીને કહ્યું કે, 'મને એગ્ઝિટ પોલ પર ભરોસો નથી.'
તેલંગાણા
તેલંગાણામાં 17 બેઠકો છે. અહીં ભાજપને માત્ર 1 થી 3 બેઠકો મળી શકે છે. તેવી રીતે કોંગ્રેસને પણ 1 થી 3 બેઠકો જ મળવાની શક્યતા છે. તો TRSને 10 થી 12 બેઠકો મળી શકે છે.
કર્ણાટક
કર્ણાટકમાં ભાજપ ગઠબંધનને 21 થી 25 બેઠકો મળી શકે છે. જ્યારે કોંગ્રેસ ગઠબંધનને માત્ર 3 થી 6 બેઠકો જ મળવાની શક્યતા છે.
દિલ્હી
અહીં ભાજપને તમામે તમામ 7 બેઠકો મળવાની શક્યતા છે. તો આપ અને કોંગ્રેસને ઉંધા માથે પછડાટ મળી શકે છે.
તમિળનાડુ
38 બેઠકો ધરાવતા તમિળનાડુમાં NDAને 0 થી 4 બેઠકો મળી શકે છે. તો યુપીએના ખાતામાં 34 થી 38 બેઠકો જઈ શકે છે.