સમીક્ષા બેઠક / ઘોડા છૂટ્યા બાદ તબેલાને તાળા, હવે કોંગ્રેસને બ્રહ્મજ્ઞાન થતા સ્થાનિક સ્વરાજ્યની ચૂંટણીની હારની સમીક્ષા બેઠક યોજી

• ઘોડા છૂટ્યા બાદ તબેલાને તાળા
• ચૂંટણીમાં હાર બાદની સમીક્ષા માટે બેઠક
• સસ્પેન્ડ કરવાથી લઈ હોદ્દો પરત લેવાશે

કોંગ્રેસને બ્રહ્મજ્ઞાન થતા સ્થાનિક સ્વરાજ્યની ચૂંટણીની હારની સમીક્ષા માટે બેઠક યોજી હતી ગુજરાત કોંગ્રેસની શિસ્ત સમિતિની આ બેઠકમાં પક્ષ વિરોધી પ્રવૃતિ કરનાર સામે કડક પગલે લેવાનો નિર્ણય કરાય છે મહત્વનું છે તે સ્થાનિક સ્વરાજ્યની ચૂંટણીઓમાં કોંગ્રેસનો કારમો પરાજય થયો હતો જે બાદ દૂધનો દાઝ્યો છાંશ પણ ફુંકીને પીવે તેમ હવે લાગી રહ્યું છે, કોંગ્રેસના કેટલાક બળવાખોરોએ પક્ષમાં રહીને કોંગ્રેસને હરાવી હોવાનું ખૂદ કોંગ્રેસ માની રહી છે. 

ચૂંટણીમાં હાર બાદની સમીક્ષા માટે બેઠક

સ્થાનિક સ્વરાજ્યની યોજાયેલી ચૂંટણીમાં પછડાત પછી હવે કોંગ્રેસ પક્ષ રહીને જે લોકો પક્ષ વિરોધી પ્રવૃત્તિ કરે છે તેમને છોડવા નથી માગતી. મહત્વનું છે સ્થાનિક સ્વરાજ્યની ચૂંટણીઓમાં બાદ ગુજરાત પ્રદેશ કોંગ્રેસને 79 જેટલી ફરિયાદો મળી હતી જેમાં કોંગ્રેસમાં રહીને અન્ય પક્ષ માટે પ્રવૃતિ કરનાર કે કોંગ્રેસ સામે બળવો કરનાર લોકો બળવાખોર લોકો સામે દંડાત્મક પગલે ભરવા જઈ રહી છે. 

સસ્પેન્ડ કરવાથી લઈ હોદ્દો પરત લેવાશે

કોંગ્રેસને મળેલી આ બેઠકમાં પક્ષ વિરોધી પ્રવૃતિ કરનાર લોકો સામે કડક કાર્યવાહી હાથ ધરવા સુધીના નિર્ણયો લેવાઈ શકે છે બેઠક પ્રાથમિક દ્રષ્ટિએ 10 લોકો સામે ફરિયાદ યોગ્ય લાગતા તેમની સામે કાર્યવાહી કરવાનું કહેવામાં આવ્યું છે. પ્રદેશ પ્રમુખ અમિત ચાવડા આગામી સમયમાં આવા લોકો સામે દંડાત્મક કાર્યવાહી કરી સસ્પેન્ડ કરવાથી લઈ હોદ્દો પરત લેવા સુધીની કાર્યવાહી કરી શકે છે.

ઘોડા છૂટ્યા બાદ તબેલાને તાળા

આ ઉપરાંત સમીક્ષા બેઠકના અંતે અન્ય ફરિયાદો માટે આગામી સમીક્ષા બેઠકમાં સાંભળવામાં આવશે તેવું જણાવાયું છે હવે પછી મળનારી સમીક્ષા બેઠકમાં જેની સામે ફરિયાદ થઈ છે તે અને ફરિયાદી બંન્નેને સાંભળવામાં આવશે જણાવાયું છે. કોંગ્રેસની આ સમીક્ષા બેઠક ઘોડા છૂટ્યા બાદ તબેલાને તાળા મારવામાં આવતા હોય તેવું લાગી રહ્યું છે હવે કોંગ્રેસને બ્રહ્મજ્ઞાન થતા સ્થાનિક સ્વરાજ્યની ચૂંટણીની હારની સમીક્ષા બેઠક યોજી હતી.