ચૂંટણી / Ahmedabad Municipal Corporation Result : અમદાવાદમાં 'આપ'ને જાકારો, ભાજપની પ્રચંડ જીત

• ગુજરાતની 6 મનપાની ચૂંટણીના પરિણામો
• અમદાવાદ મનપાની ચૂંટણીની મતગણતરી
• અમદાવાદની 48 વોર્ડની 192 બેઠકોનો પરિણામ

21 ફેબ્રુઆરીએ ચૂંટણીમાં અમદાવાદ મનપામાં 42.41% મતદાન નોંધાયુ હતું. જેની આજે મતગણતરી યોજાઇ હતી. અમદાવાદ મનપાની 192 બેઠકના પરિણામ આવ્યા છે. અમદાવાદમાં 1 બેઠક બિનહરીફ થતાં ભાજપના ફાળે છે. અમદાવાદમાં કુલ 192 બેઠકોમાંથી 159 પર ભાજપ, 25 પર કોંગ્રેસ, 1 અપક્ષ અને 8 પર અન્ય પક્ષની જીત થઇ છે. 

અમદાવાદમાં 2015માં ભાજપને 143 બેઠક પર મળી હતી સરસાઈ

2015માં 192 બેઠકમાં 143 બેઠક પર ભાજપનો વિજય થયો હતો જ્યારે કોંગ્રેસને 48 અને અપક્ષ ઉમેદવારોને 1 જ બેઠક મળી હતી. આ વખતે આમ આદમી પાર્ટી અને  AIMIMની એન્ટ્રી બાદ લાગતુ હતુ કે, કંઈ ફેર જણાશે પણ તેવું થઈ શક્યુ નથી.

અમદાવાદ મહાનગરપાલિકાના 48 વોર્ડની 191 બેઠકોની આજે મત ગણતરી હાથ ધરાઇ છે. અમદાવાદમાં કુલ 773 ઉમેદવારોના ભાવિનો ફેંસલો થશે. જેમાં ભાજપના 191, કોંગ્રેસના 188 ઉમેદવારો મેદાનમાં હતા. તો AAPના 165 અને 87 અપક્ષ ઉમેદવારો મેદાનમાં હતા.

જાણો કોણ કઇ બેઠક પર જીત્યું?

અમદાવાદમાં કઇ જગ્યા પર મતગણતરી હાથ ધરાશે?

અમદાવાદમાં 2 જગ્યાએ મતગણતરી હાથ ધરાશે. શહેરની LD કોલેજમાં 24 વોર્ડની મતગણતરી થઇ. જેમાં થલતેજ, મકતમપુરા, ઇન્દ્રપુરી, વસ્ત્રાલ, રામોલ-હાથીજણ, સરદારનગર, કુબેરનગર, નરોડા, દરિયાપુર, ખાડિયા, જમાલપુર, સૈજપુર બોઘા, ઇન્ડિયા કોલોની, ઠક્કરબાપાનગર, બહેરામપુરા, લાંભા, વટવા, પાલડી, વાસણા, નવરંગપુરા, બાપુનગર, સરસપુર-રખિયાલ, ગોમતીપુર વોર્ડની મતગણતરી હાથ ધરાઇ.

તો બીજી શહેરના ગુજરાત કોલેજ ખાતે 24 વોર્ડની મતગણતરી થશે. ગુજરાત કોલેજમાં સાબરમતી, ચાંદખેડા, રાણીપ, ઘાટલોડિયા, ચાંદલોડિયા, ગોતા, દાણીલીમડા. જોધપુર, ઈસનપુર, મણિનગર, વેજલપુર, સરખેજ, ખોખરા, નવા વાડજ, નારણપુરા, સ્ટેડિયમ, અમરાઈવાડી, ગુજરાત કોલેજમાં ભાઈપુરા-હાટકેશ્વર, નિકોલ, વિરાટ નગર, ઓઢવ, શાહપુર, શાહીબાગ, અસારવાની મતગણતરી હાથ ધરવામાં આવશે.