IPLIN
 
  • Home
  • India
  • little-improvement-in-oxygen-supply-amid-corona-pandemic-USA-sending-this-help

કોવિડ 19 / હવે સરકાર લેશે રાહતના શ્વાસ, વેક્સિનના કાચા માલ બાદ USA મોકલી રહ્યું છે આ મદદ 

Team VTV 05:24 PM, 26 Apr 21 | Updated: 05:27 PM, 26 Apr 21
Follow us
little-improvement-in-oxygen-supply-amid-corona-pandemic-USA-sending-this-help

હાલમાં ભારતની અંદર કોરોના વાયરસની બીજી લહેર ચાલવાના કારણે પરિસ્થિતિ અત્યંત ખરાબ થઈ ગઈ છે, અને સરકાર તેને કંટ્રોલમાં લેવા માટે તાત્કાલિક નિર્ણયો લઈ રહી છે. 

  • કોરોનાના હિસાબે સંકટ વધ્યું છે 
  • ઓક્સિજન, દવાઓ અને બેડની અછત વર્તાઇ રહી છે 
  • અમેરિકાથી 318 ઉપકરણો આવી રહ્યા છે 

દેશભરમાં ઊભી થયેલી મેડિકલ ઇમરજન્સીની વચ્ચે અમુક સંશોધકોએ મે મહિનામાં આ લહેરનો પિક આવવાની આગાહી કરી છે, તેમણે ચેતવણી આપી છે કે આવનારા સમયમાં હાલત હજુ વધારે વણસી શકે છે, ઘણા આંતરરાષ્ટ્રીય સંગઠનોના અધિકારીઓ પણ આ વાત માની રહ્યા છે.

જો કે દેશમાં ઊભા થયેલા વેક્સિન, દવાઓ બેડ અને સૌથી પ્રમુખ તો ઓક્સિજન સંકટને પહોંચી વળવા માટે સરકાર પ્રયાસો કરી રહી છે, વિદેશોમાંથી વેક્સિન પછી હવે ઓક્સિજન કન્ટેનર્સ, દવાઓ અને અન્ય રાહત સામગ્રીઓનો પુરવઠો મંગાવાઈ રહ્યો છે, તેમજ ઘણા દેશો તેને મદદ રૂપે મોકલી પણ રહ્યા છે. 

અમેરિકાએ આપી આ મદદ 

મહત્વનું છે કે અમેરિકાએ રવિવારે રાત્રે વેક્સિન માટે જરૂરી એવા કાચા માલની ભારતમાં નિકાસની હા પાડયા પછી હવે ત્યાંથી વધુ એક મેડિકલ સામગ્રી ભારત મોકલવામાં આવી રહી છે, આ વખતે એર ઈન્ડિયાના વિમાનમાં 318 જેટલા ઓક્સિજન કોનસેનટેટર્સ મંગાવાયા છે, જેને USA ના જહોન એફ કેનેડી એરપોર્ટખાતેથી ભારતમાં મોકલવામાં આવી રહ્યા છે. 

આની પહેલા વિદેશોમાંથી વિવિધ જગ્યાએથી ભારતને મદદ માટે ઓફરો કરવામાં આવી હતી અને ઘણી જગ્યાએથી તાત્કાલિક રાહત સામગ્રીઓ પણ મોકલવાનું શરૂ થઈ ગયું છે, બ્રિટેનના પીએમ બોરિસ જ્હોન્સને ભારતને આ કપરી સ્થિતિમાં શક્ય તમામ મદદ મોકલવાનું વચન આપ્યું છે, અને રાહત સામગ્રીની પહેલું પેકેજ જેમાં ઓક્સિજન કન્ટેનર્સ, અને અન્ય મેડિકલ ઉપકરણો પણ મોકલી આપવામાં આવ્યા છે આની સિવાય સાઉદી અરેબિયા તરફથી રવિવારે જ ભારત માટે 80 મેટ્રિક ટન ઓક્સિજનનો પુરવઠો અદાણી શિપિંગ દ્વારા સપ્લાય કરવામાં આવ્યો હતો. 

કેન્દ્ર સરકારે આ નિર્ણયો લીધા 

કેન્દ્ર સરકાર દ્વારા પહેલાથી જ 9 ઉધ્યોગઓને છોડીને આખા દેશમાં માત્ર મેડિકલ માટે જ ઓક્સિજનની સપ્લાય કરવાનો નિર્ણય લેવાયો છે, રાજ્યોમાં ચાલુ ઓક્સિજન પ્લાન્ટની ક્ષમતા વધારાઈ રહી છે, બંધ પડેલા પ્લાન્ટને ફરીથી શરૂ કરવામાં આવી રહ્યા છે, જર્મનીથી 24 ઓક્સિજન કન્ટેનર્સ મંગાવાયા છે, જેણે AFMC હોસ્પિટલોમાં ગોઠવામાં આવશે, સિંગાપોરથી ચાર ક્રાયોજેનિક કન્ટેનર્સ મંગાવાયા છે. 

આની સાથે જ પીએમ કેર્સ ફંડમાંથી દર જિલ્લા દીઠ 1 એમ 551 ઓક્સિજન પ્લાન્ટ માટેનું ફંડ જાહેર કરી દેવાયું છે, સાથે જ સ્ટીલ પ્લાન્ટ હોય કે ખાતર બનાવનારી કંપનીઓ, તેમણે પણ તેમના પ્લાન્ટને ઘણી જગ્યાએ મોડીફાઈ કરીને ઓક્સિજન બનાવવાનું શરૂ કરી દીધું છે, આમ ઑકિસજન સંકટ નિવારવા સરકાર હવે બધા મોરચે કામ કરી રહી છે. 

Oxygen oxygen supply Corona Virus covid 19 covid cases કોરોના ઓક્સિજન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ