ગીર પંથકના આસપાસના ગામડાઓમાં સિંહના આંટાફેરા થતા રહે છે. ત્યારે ગઇકાલે રાજુલાના કાતર ગામે સિંહ જોવા મળ્યા હતા. ત્યારે આજે ગીરના કોઈ ગામનો વીડિયો વાયરલ થયો છે. જેમાં યુવક નદીમાં બે સિંહો પાછળ દોડ્યો હતો જેને લઇને બન્ને સિંહો ભાગ્યા હતા.
અમરેલીમાં યુવકે 2 સિંહોને ભગાડ્યા
ગીરના સિંહ પાછળ યુવક દોડ્યો
નદીમાં બંન્ને સિંહો દોટ મૂકી ભાગ્યા
અમરેલી અને જૂનાગઢના આસપાસના વિસ્તારોમાં સિંહ પરિવારના આંટાફેરા વધી ગયા છે. તેવામાં એક યુવકના સાહસનો વીડિયો સામે આવ્યો છે. અમરેલીમાં યુવક ગીરના સિંહને ભગાડવા માટે પાછળ દોડ્યો હતો. ગ્રામ્યવિસ્તારમાં નદી પાર કરી સિંહો પહોંચતા હતા. આ દરમિયાન નદીમાં યુવક સિંહો પાછળ દોડતા બન્ને સિંહો દોટ મૂકી ભાગ્યા હતા.
તો અમરેલીમાં 3 સિંહણો સિંહબાળ સાથે નદીપાર કરતા નજરે પડ્યા હતા. સિંહબાળને વચ્ચે રાખીને સિંહણે પાર નદી પાર કરાવી હતી. તેનો સોશિયલ મીડિયામાં સિંહણનો વીડિયો વાયરલ થયો છે. વરસાદી માહોલ વચ્ચે હાલ નદીનાળામાં ધસમસતો પ્રવાહ જોવા મળ્યો છે.
જૂનાગઢના ગાંઠીલા ગામે એક સાથે 5 સિંહ ગામમાં આવી ચડ્યા
જૂનાગઢના ગાંઠીલા ગામે એક સાથે 5 સિંહ ગામમાં આવી ચડ્યા હતા. રાત્રીના 2 વાગ્યે ગાંઠીલામાં સિંહ પરિવારે લટાર મારી હતી. સિંહ પરિવારના મિજબાની માણતા નજરે પડ્યા થયા હતા.