LIC IPO ને પોલિસી ધારકોની કેટેગરીમાં સૌથી વધુ સબ્સ્ક્રિપ્શન મળ્યું છે જ્યાં આઈપીઓ 6.16 ગણો સબ્સ્ક્રાઇબ થયો હતો. એ જ રીતે LICના કર્મચારીઓ માટે અનામત રાખવામાં આવેલો હિસ્સો 4.4 ગણો સબસ્ક્રાઈબ થયો હતો.
LIC દેશની સૌથી મોટી વીમા કંપની
શેરની ઈશ્યુ પ્રાઈસ 949 પ્રતિ શેર
ગ્રે માર્કેટમાં પ્રાઈસ માઈનસ 18
17 મે થશે LIC નું લિસ્ટિંગ
જો તમને LIC IPO માં શેર એલોટમેન્ટ થયા નથી, પરંતુ તેમ છતાં તમને દેશની આ સૌથી મોટી વીમા કંપનીમાં રોકાણ કરવાની ઈચ્છા છે, તો પછી બે દિવસ રાહ જુઓ. કદાચ તમે આ કંપનીના શેર સસ્તામાં ખરીદી શકશો. 17 મે, મંગળવારે LICના શેર MARKET માં લિસ્ટ થઈ શકે છે. આ દિવસથી શેરબજારમાં કંપનીના શેરનું ટ્રેડિંગ શરૂ થશે. એટલે કે તમે બે દિવસ પછી ઇચ્છો તો એલઆઇસીના શેરમાં ખરીદી કે વેચાણ કરી શકો છો.
સસ્તામાં LIC શેર ખરીદો
હવે તમે વિચારી રહ્યા હશો કે એલઆઈસીના શેર સસ્તામાં કેવી રીતે ખરીદવા, તો તમને જણાવી દઈએ કે એલઆઈસીએ પોતાના શેરની ઈશ્યૂ પ્રાઈસ 949 રૂપિયા પ્રતિ શેર નક્કી કરી છે.એટલે કે જે લોકોએ એલઆઈસી આઈપીઓમાં રોકાણ કર્યું હતું અને તેમને શેર ફાળવવામાં આવ્યા હતા, તેમના માટે શેર દીઠ કિંમત 949 રૂપિયા થઇ. પરંતુ એ જ સમયે, ગ્રે માર્કેટમાં એલઆઈસીના શેરનો ભાવ તેના ઇશ્યૂ પ્રાઇસથી નીચે રહ્યો છે. ટોપ સ્ટોક બ્રોકરના આંકડા મુજબ એલઆઈસી આઈપીઓનું ગ્રે માર્કેટ પ્રીમિયમ હવે ઘટીને માઈનસ 18 રૂપિયા થઈ ગયું છે. એટલે કે ખુલ્લા બજારમાં એલઆઈસીના શેરને 18 રૂપિયાના ડિસ્કાઉન્ટ સાથે લિસ્ટ થવાની સંભાવના છે. LIC સ્ટોક શેરબજારમાં રૂ.949 થી વધુના બદલે રૂ.931માં લિસ્ટ થાય તેવી શક્યતા છે. જો આવી સ્થિતિ થશે તો તમે લિસ્ટ થયા પછી એલઆઈસીના શેર સસ્તામાં ખરીદી શકો છો.
એલઆઈસીનો આઈપીઓ આટલો સબ્સ્ક્રાઇબ થયો
જોકે એલઆઈસીના આઈપીઓને તમામ કેટેગરીમાં સારો પ્રતિસાદ મળ્યો હતો. સૌથી વધુ સબ્સ્ક્રિપ્શન પોલિસી ધારકોનું હતું જ્યાં આઈપીઓ 6.12 ગણો સબ્સ્ક્રાઇબ થયો હતો. એ જ રીતે એલઆઈસીના કર્મચારીઓ માટે અનામત રાખવામાં આવેલો હિસ્સો 4.4 ગણો સબસ્ક્રાઈબ થયો હતો. એકંદરે,એલઆઈસી આઈપીઓને 2.95 ગણું સબ્સ્ક્રિપ્શન મળ્યું હતું.