ઑફર / LIC IPOમાં રોકાણ કરવા આ સરકારી બેંક સસ્તા વ્યાજે આપી રહી છે રૂ. 20 લાખ સુધીની લોન, જાણો કોને મળશે લાભ

• 2 દિવસમાં જ પૂરો ભરાઇ ગયો LICનો IPO
• SBI આપી રહી છે સસ્તા વ્યાજે રૂ. 20 લાખ સુધીની લોન
• માત્ર LICના કર્મચારીઓ આ લોન ઓફરનો લાભ લઈ શકશે

ઘણા લાંબા સમય સુધી રાહ જોયા બાદ આ અઠવાડિયે LICનો IPO ખુલી ગયો છે અને હાલમાં તે સતત ચર્ચાનું કેન્દ્ર પણ રહ્યો છે. તમામ કેટેગરીના રોકાણકારો LIC IPOને સારો એવો પ્રતિસાદ આપી રહ્યાં છે. માત્ર 2 દિવસમાં જ LIC ના IPO ને 100% થી પણ વધારે સબ્સક્રાઇબ કરી દેવાયો છે. એવામાં દેશની સૌથી મોટી સરકારી બેંક એસબીઆઇ (SBI) એ એક શાનદાર ઓફર રજૂ કરી છે. SBI આ ઓફરમાં LIC IPO સબ્સક્રાઇબ કરવા માટે સસ્તા વ્યાજ પર રૂપિયા 20 લાખ સુધીની લોન આપી રહી છે.

જાણો કોને મળશે આ ઑફરનો લાભ?

SBIની વેબસાઈટ પર ઉપલબ્ધ માહિતી અનુસાર, આ લોન ઓફરને ખાસ કરીને LIC IPOમાં રોકાણ (ઇન્વેસ્ટ) કરવા માટે તૈયાર કરવામાં આવી છે. આ અંતર્ગત બેંક 20 લાખ રૂપિયા સુધી અથવા કુલ શેર વેલ્યુના 90 ટકા સુધીની લોન આપી રહી છે. આ લોનનો વ્યાજ દર પણ ઘણો ઓછો છે. બેંક આ લોન પર માત્ર 7.10 ટકાના દરે વ્યાજ વસૂલી રહી છે. આ લોન 60 મહિના એટલે કે 5 વર્ષ સુધી લઈ શકાય છે. જો કે, SBIની આ ઑફર દરેક માટે નથી. માત્ર LICના કર્મચારીઓ જ આ લોન ઓફરનો લાભ લઈ શકશે.

SBIની આ લૉન ઓફરમાં છે કંઇક આ પ્રકારના ફીચર્સ

SBIની આ ઑફરમાં હજુ કેટલાંક વધારે શાનદાર ફીચર્સ આવેલા છે. આ લોન પર બેંકે પ્રોસેસિંગ ફી પણ માફ કરી દીધી છે. એ સિવાય જો તમે લોનને પહેલેથી જ બંધ કરાવવા ઇચ્છો છો તો એ માટેની કોઇ પણ પ્રી-પેમેન્ટ પેનલ્ટી (દંડ) ની જોગવાઇ નથી. આ લોન લેવા માટે કોઇ સિક્યોરિટી અથવા તો ગેરંટીની જરૂરિયાત નથી. બેંકે વધુમાં જણાવ્યું કે, લોનની રકમ ડાયરેક્ટ ઋણધારકના સેલરી અથવા તો સેવિંગ એકાઉન્ટમાં ટ્રાન્સફર કરી દેવામાં આવશે.

કર્મચારીઓને મળી રહ્યું છે આટલું ડિસ્કાઉન્ટ 

LIC ના IPOમાં કંપનીના કર્મચારીઓ માટે 15.8 લાખ શેર અનામત રાખવામાં આવ્યા છે. એ સિવાય LICના કર્મચારીઓને પ્રતિ શેર 45 રૂપિયાનું ડિસ્કાઉન્ટ પણ આપવામાં આવી રહ્યું છે. એ મુજબ, જો એલઆઈસીનો કોઈ કર્મચારી IPOમાં પૈસા રોકવા ઇચ્છે છે, તો તેણે ઓછામાં ઓછાં 13,560 રૂપિયાનું રોકાણ કરવું પડશે. LICના IPOની પ્રાઇસ બેન્ડ રૂ. 902-949 છે, જ્યારે લૉટમાં તેના 15 જેટલાં શેર છે. અત્યાર સુધીમાં, એલઆઈસીના કર્મચારીઓ માટે રિઝર્વ રાખવામાં આવેલા ભાગને 2.22 વખત સબસ્ક્રાઇબ કરવામાં આવેલ છે.

આ રીતે કરો લોન માટે એપ્લાય

જો તમે પણ LICના કર્મચારી છો અને આ IPOમાં મોટી રકમ લગાવવા (રોકાણ કરવા) ઇચ્છો છો તો SBIની આ ઑફર તમારે વધારે કામ લાગી શકે છે. SBIની આ લોન માટે તમારે ક્યાંય જવું નહીં પડે. ઘરે બેઠા જ આ શાનદાર લોન ઑફર માટે એપ્લાય કરી  શકાય છે. તેમાં વધારે સમય પણ નહીં લાગે. LICના કર્મચારી આ પ્રોસેસને ફોલ કરી SBIની આ સસ્તી લોનનો લાભ ઉઠાવી શકે છે.

જુો LIC ના કર્મચારીઓ IPO લોન માટે કેવી રીતે અરજી કરી શકે છે?

સૌ પહેલાં SBIની વેબસાઈટ પર જઇને ક્લિક કરો અથવા તો ડાયરેક્ટ આ લિંક https://sbi.co.in/web/home/lic-ipo નો ઓપન કરો.
હવે તમને એક ફોર્મ મળશે, જે ભરવામાં થોડક મિનિટ લાગશે.
ફોર્મમાં નામ, ઈમેલ આઈડી અને કેટેગરી વગેરેને ભરી દો.
બધી વિગતો ભર્યા બાદ તમને એક વેરિફિકેશન કોડ મળશે.
કોડ સબમિટ કરીને તેને પહેલાં વેરિફાઇ કરી લો. જો બેંકને વિગતો સાચી લાગશે તો મિનિટોમાં જ તમારા એકાઉન્ટમાં પૈસા આવી જશે.