લીંબુના ભાવ આસમાને પહોંચી જતાં સામાન્ય માણસ માટે તો જાણે ઘરેણાં ખરીદવા જેવી મોટી બાબત થઈ ગઈ છે. પરંતુ ગુજરાતના આ જિલ્લામાં ભાવ ઘટવાના કારણે ગૃહિણીઓને થોડી રાહત થઈ હતી.
લીંબુના ભાવના કારણે ગૃહિણીઓ પરેશાન
પણ રાજકોટમાં ઘટયા લીંબુના ભાવ
400 માંથી 200 રૂપિયે કિલો પહોંચ્યા ભાવ
ઊંચા ભાવના કારણે ઉનાળામાં લીંબુ અપ્રાપ્ય
બજારમાં મોંઘવારીને પગલે દરેક ચીજ-વસ્તઓના ભાવ ભડકે બળી રહ્યા છે.જેમાં છેલ્લા કેટલાય સમયથી લીંબુએ ચોરે અને ચોકે ચર્ચાતી વસ્તુઓમાં મોખરે છે.લીંબુના ભાવે ઐતિહાસીક સપાટી વટાવી દીધા બાદ હવે એક સારા સમાચાર પણ છે.
ગૃહિણીઓ માટે રાહતના સમચાર એ છે કે રાજકોટ શહેરમાં લીંબુના ભવમાં અડધો અડધ ઘટાડો નોંધાયો છે. તેમ કિલો દીઠ 200 રૂપિયા સુધીનો ભાવ ઘટયો છે. અગાઉ 400 રૂપિયા કિલો ભાવ હોવાથી સામાન્ય માણસના ઘરમાં લીંબુ સ્વપ્ન સમાન બની ગયા છે પરંતુ હવે ધીમે પગલે લીંબુ ફરી સામાન્ય લોકોના ઘર સુધી પહોચી શકે તેવું લાગી રહ્યું છે.
જો કે હજુ 200 રૂપિયો કિલો લીંબુ
સામાન્ય કે ગરીબ ઘરના લોકો માટે આજકાલ લીંબુ મોંઘી એસેટ છે. કારણ કે હજુ પણ 200 રૂપિયો કિલો ભાવ હોવાથી કોઈને પોસાય એમ નથી.
લોકોએ સોશ્યલ મીડિયા પર લીધી મજા
લીંબુના ભાવના કારણે તો સોશ્યલ મીડિયા પર પણ લોકોએ ભારે મજાક્ ઉડાવી હતી. મીમ્સ વાયરલ થવા લાગ્યા હતા કે લીંબુ તો આજકાલ ધનીકો માટેની વસ્તુ છે. અને લીંબુની વાડી હોય તો લોકો દીકરી પરણાવવા પણ તૈયાર થઈ જાય! જો કે મજાક બાજુએ રાખીએ તો ફૂડની મજા વધારી દે અથવા બગાડી દે એવી વસ્તુ હોય તો લીંબુ અને મીઠું. હવે એમાંથી એકના ભાવ વધી જતાં લોકો તો બેસ્વાદ ખાવાનું ખાવાની આદત પાડવા લાગ્યા છે.
લીંબુના ભાવ આશરે છ ગણા વધ્યા હતા
ભાવમાં લાલચોળ લીંબુ હવે સસ્તા થાય તેવા એંધાણ વર્તાઇ રહ્યા છે. ખાવા-પીવામાં ખટાશ અને સ્વાદ માટે ઉપયોગમાં આવતા લીંબુના ઉત્પાદની ઘટને પગલે કેટલાય સમયથી લીંબુના ભાવમાં બેફામ વધારો ઝીંકાય રહ્યો છે.જેને લીધે લીંબુનો ભાવ પ્રતિ કિલો 100, 200 રૂપિયા નહિ પણ લોકોએ સપને પણ ન વિચાર્યું હોય તેમ ભાવ 400 રૂપિયાને અડી ગયા હતા.અગાઉ જે લીંબુની કિંમત 70-80 રૂપિયા હતી તેમાં લગભગ 6 ગણા વધારાને લીધે ભાવ 300થી 400 રૂપિયા પ્રતિ કિલો સુધી પહોંચી જતા ગૃહિણીઓમાં દેકારો બોલી ગયો હતો.