નિયમ / બાળકોને બાઇક પર બેસાડતા પહેલા ખાસ વાંચી લેજો, ભૂલ કરશો તો આપવો પડશે દંડ

• નવો મોટર વ્હીકલ એક્ટ લાગૂ 
• ભૂલ કરશો તો ભરવો પડશે દંડ 
• 16 વર્ષનુ બાળક પણ ચલાની શકશે વ્હીકલ 

આજના સમયમાં આ જરૂરી છે કે રસ્તા પર પોલીસ તમને રોકશે ત્યારે જ ચાલાણ કપાશે પરંતુ ટ્રાફીક પોલીસે રસ્તા પર કેમેરા લગાવી દીધા છે. આવામાં જો તમે નિયમ તોડ્યો તો ચાલાણ સીધુ તમારા ઘરે પહોંચી જશે. 

4 વર્ષથી ઉપરનુ બાળક ત્રણ સવારીમાં ગણાશે
જો તમે પણ બાઇક પર બાળકોને બેસાડો છો તો આ નિયમ તમારા માટે છે. નવા મોટર વ્હીકલ એક્ટ પ્રમાણે ચાર વર્ષથી ઉપરનુ બાળક બાઇક પર બેસે છે તો ત્રણ સવારીમાં ગણાશે, એટલે કે બે લોકો અને ચાર વર્ષ કરતા મોટુ બાળક બાઇક પર બેસે છે તો તેને ત્રણ સવારી ગણવામાં આવશે. 

જો તમે સિંગલ છો અને બાળકને બાઇક પર બેસાડીને લઇ જાઓ છો તો તેને હેલ્મેટ પહેરાવવુ જરૂરી છે. આવુ ન કરવા પર સેક્શન 194A હેઠળ 1000 રૂપિયાનો દંડ આપવો પડશે. 

જો તમે ક્યારેય બાઇક કે સ્કૂટી પર નીકળશો અને તમે બે લોકો છો સાથે ચાર વર્ષ કરતા વધારેની ઉંમરનુ બાળક છે તો તમારુ ચાલાણ કપાઇ શકે છે. 

16 થી 18થી વધારે ઉંમરના બાળકો ચલાવી શકશે ટુ વ્હીલર 
દેશમાં ટુ વ્હીલર લાઇસન્સ બે લેવલ પર પાર કરવામાં આવે છે. તેનુ પહેલુ લેવલ 16 થી 18 વર્ષની ઉંમરના લોકો માટે અને બીજુ લેવલ 18 વર્ષ બાદ છે. આ જ કારણના લીધે 16 થી 18 વર્ષના બાળકો પણ ટુ વ્હીલર ચલાવી શકશે. શરત એટલી કે વ્હીકલ 50CCનુ હોવુ જોઇએ. 

હોર્ન વગાડવા પર દંડ 
આપણે જોઇએ છીએ કે રસ્તાની સાઇડમાં વાહન રોકીને મોબાઇલ પર વાત કરવા લાગીએ છીએ પરંતુ તમારે તે પણ જોવુ પડશે કે તમે સાઇલેન્ટ ઝોનમાં તો નથી ને! કારણકે સાઇલેન્ટ ઝોનમાં ગાડી રોકીને મોબાઇલ પર વાત કરવા પર તમને 1000 રૂપિયાનો દંડ થઇ શકે છે. તેમજ સાઇલેન્ટ ઝોનમાં હોર્ન વગાડવાથી પણ 1000 રૂપિયાનુ ચાલાણ કપાશે. 

નવા દંડ આ પ્રમાણે છે 

• રેડ લાઇટ તોડવા પર 500 રૂપિયાનો દંડ 
• લાયસન્સ વગર વાહન ચલાવવા પર 5000 રૂપિયાનો દંડ
• ઓવર સ્પીડિંગ માટે 1000 રૂપિયાનો દંડ 
• રસ્તા પર સ્ટંટબાજી કરવા પર 5000 રૂપિયાનો દંડ 
• રેસિંગ કરવા પર 5000નો દંડ 
• હેલમેટ ન પહેરવા પર 1000 રૂપિયાનો દંડ અને લાઇસન્સ રદ્દ