અમદાવાદના લો ગાર્ડન ખાતે કરોડોના ખર્ચે હેપ્પી ફૂડ સ્ટ્રીટ તૈયાર કરવામાં આવી છે. ગઈકાલે અમદાવાદના મેયર બિજલ પટેલ અને મ્યુનિસિપલ કમિશ્નર વિજય નહેરાએ હેપ્પી સ્ટ્રીટની મુલાકાત કરી હતી. આજે મુખ્યમંત્રી વિજય રૂપાણી દ્વારા લોકાર્પણ કરવામાં આવ્યું છે. આ હેપ્પી ફૂડ સ્ટ્રીટ પર આજથી 40 જેટલી ફૂડ ટ્રક ચાલુ થશે. લોકાર્પણ પહેલા હેપ્પી સ્ટ્રીટને નવવધુની જેમ સજાવવામાં આવી છે. ત્યારે જુઓ હેપ્પી ફૂડ સ્ટ્રીટના અદભુત તસવીરો...
હેપ્પી ફૂડ સ્ટ્રીટ તૈયાર
સ્વાદરસિયાઓ થઈ જાઓ તૈયાર
હેરિટેજની થીમ પર શણગાર
અમદાવાદના પૉશ વિસ્તાર લો-ગાર્ડનનું સૌથી જૂના માર્ગ પરની ખાઉગલીને એક નવા રંગ-રૂપમાં તૈયાર કરવામાં આવી છે. લો ગાર્ડનમાં રૂ.8 કરોડના ખર્ચે AMC દ્વારા તૈયાર થયેલી હેપ્પી સ્ટ્રીટનું CM રૂપાણીના હસ્તે લોકાર્પણ કરાયું છે.
ઇન્ટરનેશનલ ફૂડની હવે શહેરીજનો જાયફત માણી શકશે. લો ગાર્ડનની ઓળખાતી ખાઉંગલી હવે હેપ્પી ફૂડ સ્ટ્રીટના નામે ઓળખાશે. હેપ્પી ફૂડ સ્ટ્રીટમાં નાની મોટી કુલ 42 ફૂડ વાન ઉભી રહેશે. રાત્રી દરમિયાન રોડ પર ફૂડ સ્ટ્રીટ લાગશે. આ હેપ્પી સ્ટ્રીટના સમગ્ર વિસ્તારને લાઈટિંગ દ્વારા પણ શણગારવામાં આવ્યું છે.
હેપી સ્ટ્રીટમાં એક બાજુની દિવાલને હેરિટેજનો લુક આપીને અમદાવાદની ઓળખ ઉભી કરવામાં આવી છે. તો બીજી તરફની દિવાલ પર વિદ્યાર્થીઓ દ્વારા વિવિધ પેઇન્ટિંગ બનાવવામાં આવ્યા છે.
કેટલાક લોકોને નવી તૈયાર થઇ ગયેલી હેપ્પી સ્ટ્રીટમાં ખાણી પીણીનો વેપાર ચાલુ કરવાની મંજુરી અપાઇ છે. હેપ્પી સ્ટ્રીટ પર 40 જેટલી ફૂડવાન શરૂ થશે.
અત્રે ઉલ્લેખનીય છે કે, આ હેપ્પી સ્ટ્રીટ 8.30 કરોડના ખર્ચે તૈયાર કરાયું છે. ત્યારે કોર્પોરેશન 2 વર્ષમાં પાર્કિંગના ચાર્જ અને ફૂડવાનના ભાડાથી રકમ પરત મેળવવાનો લક્ષ્ય નિર્ધારિત કર્યો છે.
આ પહેલા જાન્યુઆરીના અંતે ‘હેપ્પી ફૂડ સ્ટ્રીટ’માં વાહન પાર્કિંગ માટે વાર્ષિક રૂ.25 લાખ 30 હજારની ઓફર મળતા મ્યુનિ. સ્ટેન્ડિંગ કમિટીએ તેનો સ્વીકાર કર્યો હતો અને હેપ્પી ફૂડ સ્ટ્રીટ સામેના આ પાર્કિંગ પ્લોટમાં વાહન પાર્કિંગના દરોને પણ લીલીઝંડી આપી હતી.
આ પાર્કિંગ ઝોનમાં સવારના 8.30 વાગ્યાથી સાંજના 4 વાગ્યા સુધી ટૂ વ્હીલર 446 વાહન અને ફોર વ્હીલર 36 વાહન પાર્ક કરી શકાશે. જ્યારે તો રાત્રિ ખાણીપીણીના સાંજના 4 વાગ્યાથી સવારના 5 વાગ્યા સુધી 221 ટૂ વ્હીલર અને 21 ફોર વ્હીલર વાહનો પાર્ક કરી શકશે. આ વાહન પાર્કિંગના ભાડાના દર પ્રત્યેક એક કલાક લેખે નક્કી કરવામાં આવ્યા છે.