BIG NEWS / આંધ્રપ્રદેશમાં મોડી રાત્રે કેમિકલ ફેકટરીમાં ભીષણ આગ, લેબમાં કામ કરી રહેલા 6 ભડથું ,12 ગંભીર 

• કેમિકલ મેન્યુફેક્ચરિંગ યુનિટમાં ભીષણ આગ
• 6ના મોત, 11 ગંભીર રીતે ઘાયલ
• મોટાભાગના પીડિત બિહારના રહેવાસી છે

આંધ્રપ્રદેશના પશ્ચિમ ગોદાવરી જિલ્લાના અક્કીરેદ્દીગુડેમમાં બુધવારે મોડી રાત્રે એક કેમિકલ મેન્યુફેક્ચરિંગ યુનિટમાં ભીષણ આગ ફાટી નીકળી હતી, જેમાં 6 લોકોના મોત થયા હતા. કેમિકલ મેન્યુફેક્ચરિંગ યુનિટમાં થયેલા આ અકસ્માતમાં 11 લોકો ગંભીર રીતે ઘાયલ હોવાનું કહેવાય છે, જેમને વિજયવાડાની હોસ્પિટલમાં દાખલ કરવામાં આવ્યા છે.

Andhra Pradesh | Six killed & 12 injured in a fire accident at a chemical factory in Akkireddigudem, Eluru, last night. The fire broke out due to leakage of nitric acid, monomethyl: Eluru SP Rahul Dev Sharma

(Visuals from last night) pic.twitter.com/sRwkTRrLQs

— ANI (@ANI) April 14, 2022

મોટાભાગના પીડિત બિહારના રહેવાસી છે

આગ કેમિકલ ફેક્ટરીના બે માળને લપેટમાં લીધી હતી, જ્યાં 17 કામદારો કામ કરી રહ્યા હતા. કહેવામાં આવી રહ્યું છે કે અકસ્માતમાં મૃત્યુ પામેલા મોટાભાગના લોકો બિહારના રહેવાસી હતા અને પશ્ચિમ ગોદાવરી જિલ્લાના અક્કીરેદ્દીગુડેમ સ્થિત પોરસ લેબ્સ પ્રાઈવેટ લિમિટેડમાં નાઈટ શિફ્ટમાં કામ કરતા હતા.

આગ લાગવાનું કારણ જાણી શકાયું નથી

પશ્ચિમ ગોદાવરી જિલ્લાના એસપી રાહુલ દેવ શર્માએ કહ્યું, 'પોરસ કેમિકલ ફેક્ટરીમાં બુધવારે આગ લાગી હતી, જ્યાં પોલિમર બનાવવામાં આવે છે. આગ લાગવાનું કારણ હજુ સુધી જાણી શકાયું નથી. ગેસ પાઈપલાઈનમાં લીક કે તૂટવાને કારણે આ ઘટના બની શકે છે. આગ લાગ્યા બાદ મોટી જ્વાળાઓ વધી રહી હતી, જેને કાબૂમાં લેવામાં આવી છે. અમે બે મૃતદેહ બહાર કાઢ્યા છે, ચાર હજુ પહેલા માળેથી બહાર કાઢવાના બાકી છે. 11 ઘાયલોને વિજયવાડાની હોસ્પિટલમાં દાખલ કરવામાં આવ્યા છે.