હેલ્થ / લતા મંગેશકરની તબિયત ફરી બગડી, ગંભીર હાલતમાં વેન્ટીલેટર પર રખાયા, ડોક્ટરે આપ્યું અપડેટ

• ફરી આવ્યા માઠા સમાચાર
• લતા મંગેશકરની તબિયત ફરી વાર લથડી
• હાલત ગંભીર બનતા ફરી વાર વેન્ટીલેટર પર રખાયા 

લિજેન્ડરી સિંગર લતા મંગેશકરની તબિયત બગડતા તેમને મુંબઈની બ્રીચ કેન્ડી હોસ્પિટલમાં આઈસીયુ વોર્ડમાં વેન્ટીલેટર પર રખાયા છે. કોરોનાનો ચેપ લાગ્યા બાદ મુંબઈની કેન્ડી બ્રીચ હોસ્પિટલમાં દાખલ કરવામાં આવ્યા છે જ્યાં છેલ્લા 27 દિવસથી તેમની સારવાર ચાલી રહી છે. ફેન્સ તેની ઝડપથી રિકવરી માટે પ્રાર્થના કરી રહ્યા છે. થોડા દિવસ પહેલા લતાની તબિયતમાં સુધારો થઇ રહ્યો હોવાની ખબર આવી હતી પરંતુ ફરી એકવાર તેમની તબિયત બગડી છે.

ફરી એકવાર ફેન્સની ચિંતા વધી 

કેન્ડી બ્રીચ હોસ્પિટલના ડો.પ્રથમ સમદાનીએ લતાના સ્વાસ્થ્ય અંગે નવી અપડેટ આપી છે. તેમણે કહ્યું કે લતાજીની તબિયત ફરી બગડી છે અને તેઓ હાલ વેન્ટિલેટર પર છે. આવી સ્થિતિમાં લતાના સ્વાસ્થ્યને લઇને ફેન્સની ચિંતા વધી ગઇ છે.

Veteran singer Lata Mangeshkar's health condition has deteriorated again, she is critical. She is on a ventilator. She is still in ICU and will remain under the observation of doctors: Dr Pratit Samdani, Breach Candy Hospital

(file photo) pic.twitter.com/U7nfRk0WnM

— ANI (@ANI) February 5, 2022

કોરોનાથી સાજા થયા લતા મંગેશકર

થોડા દિવસ પહેલા મહારાષ્ટ્રના સ્વાસ્થ્ય મંત્રી રાજેશ ટોપેએ પણ લતા મંગેશકરની તબિયત વિશે વાત કરી હતી. રાજેશે તાજેતરમાં લતા મંગેશકરની તબિયત વિશે માહિતી આપી હતી અને કહ્યું હતું કે હવે તેમની તબિયત સ્થિર છે. તેમનો કોરોના ટેસ્ટ નેગેટિવ આવ્યો છે. આ સિવાય હવે તેમનામાં ન્યુમોનિયાના પણ કોઈ લક્ષણ નથી.

તબિયતમાં સુધારો થઈ રહ્યો હતો

હાલમાં જ લતા મંગેશકરના ટ્વિટર એકાઉન્ટ પર તેમના પરિવાર તરફથી એક પોસ્ટ શેર કરવામાં આવી હતી, જેમાં લખ્યું હતું કે, "લતા દીદી બ્રીચ કેન્ડી હોસ્પિટલના આઇસીયુમાં દાખલ છે. તેમની સારવાર ચાલુ જ છે. આજે સવારે તેને વેન્ટિલેટર પરથી હટાવીને ટેસ્ટ કરવામાં આવ્યો હતો. તેઓમાં સુધારો જોવા મળી રહ્યો છે. પરંતુ તે હજી પણ ડોક્ટર સીલિંગ સમદાની અને તેની ટીમની દેખરેખ હેઠળ રહેશે. અમે પ્રાર્થનાઓ અને શુભેચ્છાઓ માટે તમારા બધાનો આભાર માનીએ છીએ.

30,000થી વધુ ગીતો ગાવાનો રેકોર્ડ 

લતા મંગેશકરે પોતાની કારકિર્દીની શરૂઆત 1942માં 13 વર્ષની વયે કરી હતી. સાત દાયકાથી વધુ સમય સુધી ચાલેલી કારકિર્દીમાં તેમણે ઘણી ભાષાઓમાં 30,000થી વધુ ગીતો ગાયા છે. તેમને ભારત રત્ન, પદ્મ ભૂષણ, પદ્મ વિભૂષણ, દાદાસાહેબ ફાળકે એવોર્ડ અને અનેક રાષ્ટ્રીય ફિલ્મ પુરસ્કારોથી સન્માનિત કરવામાં આવ્યા છે.