BIG BREAKING / લખીમપુર કાંડમાં અત્યાર સુધીનો સૌથી મોટો ટ્વીસ્ટ, SITની તપાસમાં ઘટના એક્સિડેન્ટ નહીં કાવતરું હોવાનું ખૂલ્યું

• યુપીના લખીમપુર ખીરીકાંડનાં ચોંકાવનારો વળાંક
• SITએ લખીમપુર ખીરીહિંસાને જાણીજોઇને રચેલું ષડયંત્ર ગણાવ્યું
• આશીષ મિશ્રા સહિત 14 લોકો પર હત્યાનો કેસ ચલાવાશે
• SITએ આરોપીઓ પર લગાવેલી કલમોને બદલી હત્યાની કલમો લગાવાઇ
• ખેડૂતો પર SUV કાર ચઢાવી દેતા 4 ખેડૂતોનું થયું હતું મૃત્યુ

સૌથી મોટા સમાચાર 
ઉત્તર પ્રદેશના લખીમપૂર ખીરી કાંડમાં સૌથી મોટો ટ્વીસ્ટ આવી ગયો છે, SIT ની તપાસમાં સામે આવ્યું છે કે ખેડૂતોને ગાડીથી કચડી નાંખવાની આખી ઘટના સમજી વિચારીને કરવામાં આવેલ કાવતરું હતું, SIT એ તમામ આરોપીઓ પર હત્યાની ધારાઓ લગાવી દીધી છે. નોંધનીય છે કે આરોપીઓમાં કેન્દ્રીય ગૃહરાજ્યમંત્રી અજય મિશ્રા ટેનીનાં દીકરાનું પણ નામ છે, આશિષ મિશ્રા સહિત 14 લોકો હવે હત્યાનો કેસ ચાલશે. આજે જ આરોપીઓને કોર્ટમાં પણ રજૂ કરવામાં આવશે. 

હત્યાની કલમો લાગશે 
લખીમપુર ઘટનાના મુખ્ય આરોપી આશિષ મિશ્રા સહિત 14 લોકો પર તપાસ બાદ કલમો બદલવામાં આવી છે. તમામ આરોપીઓ પર ઈરાદાપૂર્વકનું આયોજન કરીને ગુનો આચરવાનો આરોપ છે. SITએ IPC કલમ 279, 338, 304A દૂર કરી છે અને 307, 326, 302, 34,120 B, 147, 148,149, 3/25/30 લગાવી છે.

શું છે સમગ્ર કેસ 
નોંધનીય છે કે ત્રીજી ઓકટોબરનાં રોજ યુપીના લખીમપૂરમાં એક ઘટના થઈ હતી જેમા કાર નીચે કચડાઈ જવાના કારણે ચાર ખેડૂતોનાં મોત થયા હતા. જે બાદ ખેડૂત આંદોલનમાં સામેલ ભીડે પણ સામે પક્ષે કેટલાક લોકોને મોતને ઘાટ ઉતાર્યા હોય તેવા વીડિયો વાયરલ થયા હતા. સમગ્ર ઘટનામાં આરોપ હતો કે કેન્દ્રીય મંત્રી અને ભાજપ નેતાના દીકરાએ જ ખેડૂતોને મારવા માટે આ પ્રકારનું કાવતરું ઘડ્યું હતું.