કાર્યવાહી / રાંચીમાં ફરિયાદ નોંધાયા બાદ ધોનીની દીકરીને ધમકી આપનારને ગુજરાતના આ ગામમાંથી દબોચી લેવાયો

• ક્રિકેટર મહેન્દ્રસિંહ ધોનીની 6 વર્ષની દીકરીને દુષ્કર્મની ધમકીનો મામલો
• રાંચીમાં ફરિયાદ નોંધાયા બાદ પશ્ચિમ ક્ચ્છ પોલીસે સગીરવયના શખ્સને ઝડપ્યો
• મહેન્દ્રસિંહ ધોનીની દીકરી અંગે અપમાન જનક શબ્દો લખ્યા હતા

સોશિયલ મીડિયા પર ધોનીની દીકરી સાથે દુષ્કર્મની ધમકી આપનાર વિરૂદ્ધ રાંચીમાં ફરિયાદ નોંધાઇ હતી. ત્યારબાદ ગુજરાત પોલીસે કાર્યવાહી કરતા આધમકી આપનારા શખ્સને ઝડપી પાડવામાં આવ્યો છે. કચ્છ પોલીસે જણાવ્યું હતું કે કોલકાતા નાઈટ રાઇડર્સ(KKR) સામે ચેન્નાઈ સુપર કિંગ્સના પરાજયથી આ શખ્સ ગિન્નાયો હતો. 

આ ઘટના બાદ તેણે મહેન્દ્રસિંહ ધોનીની પાંચ વર્ષની પુત્રી જીવા વિશે અભદ્ર ટિપ્પણી કરી. ગુજરાત પોલીસે સોશ્યલ મીડિયા એક્ટ હેઠળ આ વ્યક્તિની ધરપકડ કરી છે અને ટૂંક સમયમાં તેને રાંચી પોલીસના હવાલે કરવામાં આવશે.

A resident of Kutch district in Gujarat arrested by Police for allegedly giving rape threats to the daughter of cricketer Mahendra Singh Dhoni, over social media. The case was registered at Ratu Police Station in Ranchi of Jharkhand.

— ANI (@ANI) October 11, 2020

ધરપકડ કરાયેલ વ્યક્તિ સગીરવયની

જો કે, તે જાણીને ખૂબ આશ્ચર્ય થશે કે ધરપકડ કરાયેલ વ્યક્તિ સગીર છે અને 12 ધોરણમાં ભણે છે. તેની મુન્દ્રાના નામના કપાયા ગામથી ધરપકડ કરવામાં આવી છે.

શું છે સમગ્ર મામલો?

IPLમાં આ સીઝન MS ધોનીની કેપ્ટનશીપ વાળી ચેન્નઈ સુપરકિંગ્સનું પ્રદર્શન આ સીઝન થોડું ફીક્કુ દેખાઇ રહ્યું છે. આ વચ્ચે સોશિયલ મીડિયા પર ટ્રોલર્સે ધોનીને ટ્રોલ કરવાનું શરૂ કરી દીધું હતું. જોકે આ વાત ત્યારે બગડી જ્યારે કેટલાક ખરાબ માનસિકતાના ટ્રોલર્સે ધોનીની 5 વર્ષની દીકરીને સોશિયલ મીડિયા પર રેપની ધમકી આપી દીધી હતી. ભારતીય ટીમના ઝડપી બોલર ઇરફાન પઠાણે આવી ખરાબ માનસિકતા વાળા લોકોને ફટકાર લગાવી હતી. 

ધોનીની ટીમે આ સીઝનમાં 6 મેચ રમીને 2માં જ જીત મેળવી છે, જ્યારે 6માં તેમને હારનો સામનો કરવો પડ્યો છે. ધોનીની ટીમ આ ટૂર્નામેન્ટમાં ફેવરિટ માનવામાં આવી રહી હતી. જોકે તમામ જાણતા હતા કે હાર જીત રમતનો એક ભાગ છે. પરંતુ સોશિયલ મીડિયા પર જોઇએ તો કેટલાક ખરાબ માનસિકતા વાળા ટ્રોલર્સે ધોનીની સાથે તેમની પત્ની સાક્ષી ધોનીને સોશિયલ મીડિયા એકાઉન્ટ્સ પર ગાળો આપતી પોસ્ટ કરવાનું શરૂ કરી દીધું હતું.

આ વચ્ચે કેટલાક ટ્રોલર્સે ધોનીની દીકરી જીવાને રેપની ધમકી આપી દીધી હતી. સોશિયલ મીડિયા પર કેટલાક લોકોએ ટ્રોલર્સની આ કરતૂત વિરૂદ્ધ પોતાનો અવાજ બુલંદ કર્યો છે.