મમતા / ટેસ્ટ ડેબ્યુ બાદ ભારતીય વિકેટકીપર Srikar Bharatની માતા સાથેની ભાવુક તસવીર વાયરલ, લોકોએ કરી ભરપૂર પ્રશંસા

• ટેસ્ટ ડેબ્યુ બાદ ભારતીય ખેલાડીની ભાવુક તસ્વીર થઇ વાયરલ
• કેએસ ભરતને વિકેટકીપર તરીકે રિષભ પંતની જગ્યાએ સ્થાન મળ્યું
• કેએસ ભરત મેદાન પર જ પોતાની માતાને ભેટી પડ્યો

ભારતીય ટીમ અને ઓસ્ટ્રેલિયા વચ્ચે ટેસ્ટ સીરીઝની શરૂઆત

ભારતીય ટીમ અને ઓસ્ટ્રેલિયા વચ્ચે બોર્ડર-ગાવસ્કર ટેસ્ટ સીરીઝની શરૂઆત થઇ ગઇ છે. બંને ટીમો વચ્ચે ચાર મેચની ટેસ્ટ સીરીઝની પહેલી મેચ નાગપુરમાં રમાઈ રહી છે. મેચમાં સૂર્યકુમાર યાદવ અને વિકેટકીપર કેએસ ભરતને ટેસ્ટમાં ડેબ્યુની તક મળી છે.

કેએસ ભરતની મેદાનમાંથી એક ભાવુક તસ્વીર સામે આવી 

સૂર્યકુમાર ટેસ્ટમાં ડેબ્યુ કરનારા 304મા અને કેએસ ભરત 305મા ભારતીય ક્રિકેટર બન્યાં છે. આ દરમ્યાન મેદાનમાંથી એક ભાવુક તસ્વીર પણ સામે આવી છે, જે ખૂબ વાયરલ થઇ રહી છે.

કેએસ ભરત મેદાન પર જ પોતાની માંને ભેટી પડ્યો

ટેસ્ટ ડેબ્યુ બાદ 29 વર્ષિય કેએસ ભરત મેદાન પર જ પોતાની માંને ભેટી પડ્યો. ભારતીય ટીમ માટે આ ક્ષણ ખૂબ ખાસ છે, કારણકે આ તેમનુ આંતરરાષ્ટ્રીય ડેબ્યુ પણ છે. ભરતને વિકેટકીપર તરીકે રિષભ પંતની જગ્યાએ સ્થાન મળ્યું છે. રિષભ પંત કાર અકસ્માત બાદ ઈજાગ્રસ્ત થયા છે. ટીમમાં ઈશાન કિશાન પણ છે, પરંતુ ટીમ મેનેજમેન્ટે ભરત પર ભરોસો દર્શાવ્યો છે. 

Picture of the day - kiss from the mother for KS Bharat. pic.twitter.com/Ni8Zcpautn

— Johns. (@CricCrazyJohns) February 9, 2023

86 મેચનો અનુભવ 

ભરત એવા ખેલાડી છે, જે લાંબા સમયથી ડોમેસ્ટિક ક્રિકેટમાં રમી રહ્યાં છે. તેઓ ડોમેસ્ટિક ક્રિકેટમાં આંધ્ર પ્રદેશ માટે રમે છે. આ ટીમ માટે રમતા ભરતે અત્યાર સુધી 86 ફર્સ્ટ ક્લાસ મેચ રમી છે અને તેમાં 37.95ની સરેરાશથી 4707 રન બનાવ્યાં છે. ભરતના નામે નવ સદી અને 27 અર્ધસદી છે. તેમની પાસે 64 લિસ્ટ-એ-મેચોનો પણ અનુભવ છે. આ મેચમાં ભરતે 33.62ની સરેરાશથી 1950 રન બનાવ્યાં છે. જેમાં તેમના નામે છ સદી અને છ અર્ધસદી છે.