IPL 2020 / કોલકાતાએ ચેન્નઇને 10 રનથી હરાવ્યું, 5 મેચમાં KKRની ત્રીજી જીત

• કોલકાતાએ ચેન્નઇને 10 રનથી હરાવ્યું
• પોઇન્ટ ટેબલમાં ચેન્નઇ 5માં નંબરે ને કોલકાતા ત્રીજા નંબરે
• KKRએ 20 ઓવરમાં 167 રન બનાવ્યા હતા

દુબઈમાં રમાઇ રહેલ IPL મુકાબલામાં KKRએ ચેન્નઈને 10 રનથી હરાવી દીધું છે. ટૉસ જીતીને પહેલા બેટિંગ કરવા ઉતરેલી કોલકાતા નાઇટ રાઇડર્સના બેટ્સમેન રાહુલ ત્રિપાઠીના શાનદાર અડધી સદીની મદદથી 20 ઓવરમાં 167 રન બનાવ્યા. જેના જવાબમાં ચેન્નઈ ટીમ 153 રન જ બનાવી શકી. આ સીઝનમાં ચેન્નઈ માટે આ ચોથી હાર છે. આની સાથે પોઇન્ટ ટેબલમાં ચેન્નઈ સુપર કિંગ્સ 5માં નંબર પર પહોંચી ગયું છે. ત્યારે, કેકેઆરની ટીમ જીતની સાથે જ ત્રીજા નંબર પર પહોંચી ગઇ છે.

કેકેઆર તરફથી સુનીલ નરેન, શિવમ માવી, આંદ્રે રસેલ, કમલેશ નાગરકોટી અને વરૂણ ચક્રવર્તીએ 1-1 વિકેટ લીધી. આ પહેલા બેટિંગ માટે આવેલ કોલકાતાની ટીમને ચેન્નઈ સુપરકિંગ્સે બોલરોના શ્રેષ્ઠ પ્રદર્શનથી 167 રન પર ઑલ આઉટ કરી દીધું. ત્રિપાઠીએ 51 બોલમાં 8 ચોગ્ગા અને 3 છગ્ગાની મદદથી 81 રન બનાવ્યા પરંતુ તેમણે બીજી તરફથી સારો સાથ ન મળ્યો. આ સિવાય નાઇટ રાઇડર્સનો કોઇ બેટ્સમેન 20 રનના આંકડાને પણ નહીં આંબી શક્યો.

સુપરકિંગ્સ તરફથી ડ્વેન બ્રાવોએ 37 રન આપીને 3 વિકેટ ઝડપી. જ્યારે કર્ણ શર્માએ 25, સૈમ કુરેને 26 અને શાર્દુલ ઠાકુરે 28 રન આપીને 2-2 વિકટ ઝડપી. નાઇટ રાઇડર્સની ટીમ છેલ્લી 10 ઓવરમાં 74 રન જ બનાવી શકી.

કોલકાતા નાઇટ રાઇડર્સના કેપ્ટન દિનેશ કાર્તિકે ટૉસ જીતીને પહેલા બેટિંગ કરવાનો નિર્ણય લીધો જ્યાર બાદ ત્રિપાઠી અને શુભમન ગિલની જોડીએ ટીમને શાનદાર શરૂઆત આપી. ત્રિપાઠીએ દિપક ચાહરની શરૂઆતની 2 ઓવરમાં 3 ચોગ્ગા માર્યા જ્યારે ગિલે પણ ચોગ્ગો લગાવ્યો.

જોકે ગિલ વધુ સમય સુધી ન ટકી શક્યા અને 11 રન બનાવ્યા બાદ શાર્દુલના બોલ પર વિકેટકીપર ધોનીને કેચ આપી બેઠા. ત્યારબાદ નાઇટ રાઇડર્સે પાવર પ્લેમાં એક વિકેટ પર 52 રન બનાવ્યા. રાણા કર્ણના બોલ પર મોટો શૉર મારવાના પ્રયત્નમાં બાઉન્ડ્રી પર રવિન્દ્ર જાડેજાને સરળ કેચ દઇ બેઠા.