સ્વસ્થ ત્વચા મેળવવા માટે યોગ, પ્રાણાયામ, વ્યાયામ સાફ-સફાઈ વગેરે તો જરૂરી છે જ પરંતુ સાથે સાથે સારું ખાવું પણ સૌથી જરૂરી છે. જો તમે સ્વસ્થ અને સંતુલિત આહાર લેશો તો તેની અસર શરીરની સાથે ત્વચા પર પણ જોવા મળશે.
ત્વચાને સ્વસ્થ્ય રાખવા લો સંતુલિત આહાર
તમારી ડાયેટથી ત્વચા કરશે ગ્લો
જાણો શું ખાવું જોઈએ અને શું નહીં
ત્વચાને શરીરનું દર્પણ કહેવામાં આવે છે. તમારી ત્વચાને જોઈને તમારા શરીરની સ્થિતિનો સરળતાથી અંદાજ લગાવી શકાય છે. જો તમે આંતરિક રીતે સ્વસ્થ છો અને તમારા શરીરમાં કોઈપણ પ્રકારના પોષક તત્ત્વોની ઉણપ નથી, તો પરિણામે તમારી ત્વચા પણ સુંદર, સ્વસ્થ અને સાફ રહેશે.
સ્વસ્થ ત્વચા માટે એ મહત્વનું છે કે તમે નિયમિતપણે પોષ્ટિક અને સંતુલિત આહાર લો. સારી ત્વચા મેળવવા માટે યોગ, પ્રાણાયામ, વ્યાયામ, સાફ-સફાઈ વગેરે તો જરૂરી છે જ પરંતુ સાથે સાથે સારું ખાવું પણ સૌથી જરૂરી છે. જો તમે સ્વસ્થ અને સંતુલિત આહાર લેશો તો તેની અસર શરીરની સાથે ત્વચા પર પણ જોવા મળશે.
સ્કીનને હેલ્ધી રાખવા માટે આ વસ્તુઓનું કરો સેવન
સારી ત્વચા મેળવવા માટે ભોજનમાં પ્રોટિન, કાર્બ્સ, ફેટ્સ, વિટામિન્સ અને મિનરલ્સ ભરપૂર માત્રામાં લેવા જોઈએ.
વિટામિન્સમાં ખાસ કરીને વિટામિન એ, ઈ અને સીનું સેવન નિયમિત રીતે કરવું જોઈએ. ગ્રીન શાકભાજી, ગાજર, કોળુ, ટામેટુ, શક્કરીયા, કેરી, પપૈયા વગેરે શરીરમાં વિટામિન એની કમી પૂરી કરે છે.
વિટામિન E
વિટામિન E માટે તમે તમારા આહારમાં બદામ, કાજુ, અખરોટ અને સૂર્યમુખી, ચિયા અને ફ્લેક્સસીડ જેવા સૂકા ફળો ઉમેરી શકો છો. બદામ અને અખરોટમાં વિટામિન A તેમજ ઓમેગા-3 ફેટી એસિડ હોય છે, જે તમને સોફ્ટ અને ક્લિયર ત્વચા આપે છે. સંતરા, લીંબુ, મોસંબી, આંબળા, કોબી જેવા ખાટા ફળ વિટામિન સીનો સારો સ્ત્રોત છે. તો તેનું સેવન કરો.
આ ઉપરાંત તમે વિવિધ પ્રકારના સિઝનલ ફ્રૂટનું પણ સેવન કરી શકો છો. ખાસ કરીને એવા ફળ જેમાં પાણીનો પ્રમાણ વધારે હોય. ત્વચાની સ્વસ્થ કોશિકાઓમાં લગભગ 70 ટકા પાણી રહેલું હોય છે. તો હેલ્ધી અને ગ્લોઈંગ સ્કીન માટે દરરોજ 2-3 લીટર પાણી પીવો.
આ વસ્તુઓનું સેવન ન કરો
હેલ્ધી ત્વચા માટે કેટલીક વસ્તુઓથી દૂર રહેવું પણ જરૂરી છે. વધારે ધૂમ્રપાન, દારૂ પીવું અને કોઈપણ પ્રકારનો નશો કરવાથી તમારી ત્વચા પર આડઅસર થાય છે. બિસ્કિટ, ટોફી, ચોકલેટ, બ્રેડ જેવા પેકેજ્ડ ફૂડના વધુ પડતા સેવનથી ત્વચા શુષ્ક અને કરચલીઓ પડી શકે છે. આ સિવાય તમારે ખાંડ અને આર્ટિફિશિયલ સ્વીટનર્સનો ઉપયોગ ટાળવો જોઈએ.