- સ્મોકિંગને કારણે ગળવા લાગી આંગળીઓ
- 13 વર્ષની ઉંમરથી જ કરતી હતી સ્મોકિંગ
- સામાન્ય કામો નથી કરી શકતી મેલિંડા
સ્મોકિંગને કારણે ગળવા લાગી આંગળીઓ
સિગારેટ પીવાને કારણે એક મહિલાની આંગળીઓ સડી ગઈ છે. ખાસ વાત એ છે કે તેનો કોઈ ઈલાજ નથી. પહેલા તો મહિલાની આંગળીઓનો રંગ પર્પલથી કાળો થયો અને પછી આંગળીઓ ગળવા લાગી.
આ 48 વર્ષની મહિલાનું નામ મેલિંડા જાનસેન વેં વુરેન છે. તે સાઉથ આફ્રીકાની રહેવાસી છે. મહિલાએ કહ્યું કે વર્ષ 2021નાં ઓક્ટોબરથી તેમના હાથોમાં બદલાવ આવવા લાગ્યા હતા. પહેલા તો તેના હાથોને તાપમાનનાં ફેરફારો સહન કરવામાં તકલીફ થવા લાગી અને તે નરમ પડવા લાગ્યા.
જ્યારે મહિલાની આંગળીઓ કાળી પડી ગઈ, ત્યારે ડોકટરે તપાસ કરી અને સામે આવ્યું કે તેમની આંગળીઓમાં બદલાવ સ્મોકિંગને કારણે જોવા મળી રહ્યા હતા. ખાસ વાત એ છે કે આ બિમારી ખૂબ જ દુર્લભ છે. જેમાં નાના અને મધ્યમ બ્લડ વેસલ્સમાં લોહીના કલોટ બનવા લાગે છે અને તે સોજી જાય છે.
13 વર્ષની ઉંમરથી જ કરતી હતી સ્મોકિંગ
મેલિંડાને જ્યારે જાણ થઇ કે આ બધું સ્મોકિંગને કારણે થઇ રહ્યું છે, તો તેણે સ્મોકિંગ છોડી દીધું. તે જણાવે છે કે તે 13 વર્ષની ઉંમરથી જ સ્મોકિંગ કરી રહી હતી. તે દિવસમાં 15 સિગારેટ પીતી હતી.
સ્મોકિંગ છોડ્યા બાદ પણ તેની આંગળીઓ ગળતી જઈ રહી છે. તેના જમણા હાથની ત્રણ આંગળીઓનાં ઉપરના હિસ્સા અને ડાબા હાથની એક આંગળી ગળી ગઈ છે.
સામાન્ય કામો નથી કરી શકતી મેલિંડા
મેલિંડાએ કહ્યું કે તે પોતાના હાથનો ઉપયોગ નથી કરી શકતી. તે ખાવાનું પણ નથી બનાવી શકતી. સાફ-સફાઈ, વાળ ઓળવા, નહાવું- આમાંથી કોઈપણ કામ તે નથી કરી શકતી. તેને દુખાવાથી રાહત નથી મળી રહી.
મેલિંડા કહે છે કે હું પર્સનલ અસિસ્ટંટ અને એક ક્વોલિફાઇડ નેલ ટેકનીશીયન છુ. હું મારા હાથો માટે ઓળખાતી હતી પરંતુ હવે હું તે નથી કરી શકતી. હું ગયા ઓક્ટોબરથી લખી પણ શકતી નથી.
ડોકટરોએ કહ્યું કે તેઓ મહિલાની રાહત માટે કંઈપણ કરી શકે તેમ નથી. એટલે તેમણે એક એક કરીને તેમની આંગળીઓનાં પડવાની રાહ જોવી પડી રહી છે. મેલિંડાએ આગળ કહ્યું કે જ્યાં સુધી હું જાણું છું, આનો કોઈ ઈલાજ નથી.
ડોકટરોએ આંગળીઓનાં પોતે જ ગળી જવાના રસ્તાને અપનાવ્યો છે. મેલિંડાએ કહ્યું કે આ મારા જીવનની સૌથી ચેલેન્જીંગ પરિસ્થિતિ છે. આ બીમારી સાથે મુકાબલો કરતા અહી સુધી પહોંચવામાં મેં અશ્રુઓ અને હિંમતથી કામ લીધું છે.
મેલિંડા હવે લોકોને સિગારેટ ન પીવાની સલાહ આપી રહી છે. એટલે કોઈ બીજા સાથે આવું ન થાય. તે કહે છે કે સિગારેટ છોડવામાં ઘણી તકલીફોનો સામનો કરવો પડ્યો હતો.
