ટિપ્સ / સ્લિમિંગ પિલ્સની સાઇડ ઇફેક્ટ્સ પણ જાણી લેજો

શારીરીક શ્રમ વગર મહેનત ઓછી કરવાના ચક્કરમાં ભણેલા ગણેલા અને અલ્ટ્રામોર્ડન યુવાનો પિલ્સનો સહારો લેવા લાગે છે. આ દવાઓની ખરાબ સાઇડ ઇફેક્ટ્સથી અજાણ આ યુવાઓને હકીકતની જાણ થાય ત્યારે તેઓ જાતજાતન પરેશાનીઓનો સામનો કરે છે.

આ દવાઓના સેવનનું સૌથી મોટુ નુકશાન તો એ છે કે તેનું સેવન બંધ કરીએ અને તરત વજન પાછુ વધવા લાગે છે. તેનો પુરો ફાયદોત્યારે જ મળે છે જ્યારે દવાઓની સાથે સાથે ડાયેટ કન્ટ્રોલ અને રેગ્યુલર એક્સર્સાઇઝ પણ કરવામાં આવે. આમ તો જે લોકો રેગ્યુલર ડાયેટ અને એક્સર્સાઇઝ કરે છે તેને કોઇ પણ સ્લીમિંગ પીલ્સની જરુર પડતી નથી.

શું છે નુકશાન
સ્લિમિંગ પિલ્સના ઘણા નુકશાન હાર્ટ, પાચન પ્રણાલી, લિવર પર પડે છે. તેના વિશે સમજ લેવી અત્યંત જરુરી છે. ઘણા પ્રકારની આયુર્વેદિક અને એલોપેથિક દવાઓ બજારમાં મળે છે જેના વિશે લોકોને યોગ્ય જાણકારી નથી. ક્યારેક સ્લિમિંગ પિલ્સથી ઉલ્ટી,ગભરામણ, ગેસ, પેટની તકલીફ, ડાયેરિયા પણ થઇ શકે છે. ક્યારેક કબજિયાત, એલર્જી, રેસિઝ, પેપ્ટિક અલ્સર, ભુખ ઓછી લાગવી અને જોન્ડિસ જેવી તકલીફો પણ થઇ શકે છે.

સાવધાની જરુરી
ક્યારેય પણ અસર જલ્દી કરવાના ચક્કરમાં બે અલગ અલગ ગ્રુપની સ્લિમિંગ પિલ્સ એકસાથે ન લેવી.
સ્લિમિંગ પિલ્સનો કોર્સ કરી રહ્યા હોય ત્યારે લેક્જેટિવ કે ડાયુરેટિક્સ ન લો.
સ્લિમિંગ પિલ્સ લીધા બાદ કોઇ સમસ્યા લાગે તો તરત ડોક્ટરનો સંપર્ક કરો.